Yal Tơlik 2:2 - Sră Goh 2018

² ‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.

Yal Tơlik 2:2 Referans Kwoze

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

I Tesalônika 5:21

Lòng tĕ jơh ală broă, bơta lơi niam gen prap gàr tĕ.

Yal Tơlik 3:8

‘Añ git ală broă mê dê. Do Añ neh pò di đap mê dô nơm mpồng ò gơs cau lơi rgơi til; Añ git mê gơs mìng dô êt pràn, bulah behơ̆ mê neh prap gàr jơnau Añ jê mơ mê ò pơndang sang sơnđan añ.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

Galati 1:7

Ngan, ò gơs jơnau niam ndai ò, mơya mìng gơs ală cau lơh dơrcul oh mi gơ dê, mơ kòñ oh mi sang lòi Jơnau Niam Bơtau Krist dê.

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Yal Tơlik 3:1

“Cih tĕ cau gơnrơh Hìu Jum Goh Sardis in lah: Do la ală jơnau đơs Bơtau gơs poh Hwềng Yàng Tom Trồ dê mơ poh nơm sơmañ: ‘Añ git ală broă mê dê, mê gơs sơnđan la kis mơya la chơt.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

Yal Tơlik 2:6

Bulah behơ̆, mê gam gơs bơta do: hơ̆ la mê gơjrañ kơuềng di ală broă mpồl Nikôla dê, mơ Añ kung gơjrañ kơuềng di ală broă bol khai dê sơl.’

Yal Tơlik 3:15

‘Añ git ală broă mê dê, mê ò ngềt mơ kung ò duh sơl. Añ kơp kòñ mê ngềt hala duh!

Mathiơ 7:23

Tŭ hơ̆ Añ rơp yal loh bol khai in git lah: ‘Ơ ală cau lơh bơta tồi glài iơh bơsak, Añ ò tŭ lơi git bol mê ò, lik lòt tĕ bơh di Añ.’”

Jang 6:6

Kơnràñ đơs behơ̆ nàng lòng khai, bơh Kơnràñ neh git bơta Kơnràñ rơp lơh.

Yal Tơlik 2:5

Behơ̆ kah tĕ bơh tiah lơi mê neh gơhuc, gơjrañ sang glài tĕ, mơ lơh wơl ală broă mê neh lơh bơh sơnròp. Dilah ò behơ̆, Añ rơp tus hơ mê, mơ Añ rơp tă tơlik jơng ồs đèng mê dê bơh di tiah gơ.