Yal Tơlik 2:10 - Sră Goh 2018

¹⁰ Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 2:10 Referans Kwoze

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

Jơnau Niam Jat Mak 13:13

Bol mê rơp gơkòl jơh ală cau gơjrañ kơuềng tài bơh sơnđan Añ, mơya cau lơi kơ̆ nùs jơl tus di lồi dut gen rơp geh dong klàs.”

Ephesô 6:12

Bơh bol he ò di tòmlơh mơ poac mơ mhàm ò, mơya tòmlơh mơ ală gơnoar at bồ, mơ ală gơnoar, mơ ală bơtau at bồ rài klam jơngo do, mơ mpồl cà jàñ bơsak ơm tòm pah gòi.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

Mathiơ 24:13

Mơya cau lơi kơ̆ nùs jơl tus di lồi dut gen rơp geh dong klàs.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

I Kôrintô 9:25

Jơh ală cau pơrlòng pràn tòm bơta pơrlòng, bơtê git kơrmap bơta boh lam kràñ cê tòm jơh ală bơta. Bol khai lơh behơ̆ mìng dòp sơgơn ồm lề, mơya bol he lơh behơ̆ nàng dòp sơgơn ò ồm lề.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Daniel 1:14

Gen cau sền gàr dòp jơnau bol khai dan, mơ lòng bol khai tòm jơt ngai.

Yal Tơlik 13:7

Gơ geh ai gơnoar tòmlơh mơ ală cau sàng goh mơ gơ geh pha lin rlau. Gơ kung geh ai gơnoar hơđang jơh ală jơi bơtiàn, làng bol, jơnau đơs mơ lơgar.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Jang 13:2

Tòm tŭ sào mho, cà ràk neh ơn bơta pơrlơ̆ dră di Kơnràñ tòm nùs Juda Iskariôt, kòn Simôn dê.

Jang 12:25

Cau lơi kòñ gơboh bơta kis he gen rơp roh; ai cau lơi gơjrañ kơuềng bơta kis he tòm rài do, gen rơp geh prap wơl bơta kis gam sùm sùm in.

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Jơnau Niam Jat Mak 8:35

Bơh dilah cau lơi kòñ dong klàs bơta kis he gen gơ rơp roh, ai cau lơi tài bơh Añ mơ Jơnau Niam mơ roh bơta kis he gen rơp geh dong klàs.

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Daniel 1:12

“Dan ồng lòng tĕ ală cau duh broă ồng dê tòm jơt ngai, ai bol hi in sa mìng biap mơ hùc mìng dà lơm.

Yal Tơlik 13:2

Phan poan jơng añ gŏ hơ̆ gơlơh be klìu sơmañ, jơng be jơng jơgơu, bơr be bơr klìu triă. Nagrài ai phan poan jơng hơ̆ in gơnap gơnoar, sơbàn mơ gơnoar dờng gơ dê.

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Jang 13:27

Tơnơ̆ mơ tŭ Juda neh dòp pet piang lă rau, gen cà Satan mut tòm nùs khai. Behơ̆ Yàng Jesu đơs mơ khai lah: “Bơta mê lơh, lơh tĕ mhar.”

Đơs Crih 31:23

Ơ ală cau sàng goh Yàng Jehôwa dê, kòñ gơboh tĕ di Kơnràñ! Yàng Jehôwa wèt sền ală cau dòn song, Mơya Kơnràñ sal wơl dô bă kơnjơ̆ di cau lơh lòt pơnhừ să.

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Ñìm Rac 3:57

Kơnràñ neh tus rềp, tòm tŭ añ hòi dan di Kơnràñ mơ Kơnràñ neh đơs lah: “Bañ rngòt rngơt!”