Yal Tơlik 19:4 - Sră Goh 2018

⁴ Bàr jơt poan nă cau kwang kra bal mơ poan nơm phan wìn kis tơmbic să duh khoai Yàng Tom Trồ la Bơtau nggui hơđang sơbàn, mơ đơs lah: “Amen. Haleluya!”

Yal Tơlik 19:4 Referans Kwoze

Yal Tơlik 5:14

Mơ poan nơm phan wìn kis ho wơl lah: “Amen.” Mơ ală cau Kwang kra tơmbic să mơ duh khoai.

Đơs Crih 106:48

Jòng ro Jehôwa la Yàng Tom Trồ Israel dê jơl sùm sùm ò lồi! Mơ jơh làng bol đơs tĕ lah: “Amen!” Jòng ro Yàng Jehôwa!

Nehemi 8:6

Gen Ejra jòng ro Yàng Jehôwa, Yàng Tom Trồ dờng ngan; gen jơh làng bol pò tê mơ đơs lah: “Amen! Amen!” Gen bol khai kun bồ tơmbic să di ù mơ duh khoai Yàng Jehôwa.

Yal Tơlik 19:1

Tơnơ̆ mơ hơ̆ añ kơno hơđang trồ gơs jơnau driau dờng gơlơh be mpồl bol oă đơs lah: “Haleluya! Bơta dong klàs, bơta gơklŏ, mơ gơnap gơnoar gơrê bal mơ Yàng Tom Trồ bol he dê.

Yal Tơlik 15:7

Dô nơm tòm poan nơm phan wìn kis tong poh nă cau gơnrơh in poh nơm mơngàn mơ màh ơn bềng bơta gơjrañ dờng Yàng Tom Trồ dê, la Bơtau kis sùm sùm ò lồi.

Jeremi 28:6

Cau gơnoar hwơr Jeremi đơs lah: “Amen! Dan Yàng Jehôwa lơh behơ̆! Dan Yàng Jehôwa lơh wil tơl ală bơta jat be jơnau mê neh đơs hwơr, cèng ală phan ngui tòm hìu Yàng Jehôwa mơ jơh ală cau gơs dĭ bơh Babilôn rê wơl tòm tiah do!

Đơs Crih 89:52

Pal jòng ro Yàng Jehôwa jơl sùm sùm. Amen! Amen!

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Đơs Crih 41:13

Pal jòng ro Yàng Jehôwa la Yàng Tom Trồ Israel dê, Bơh sùm sùm jơl tus sùm sùm ò lồi! Amen! Amen!

Nehemi 5:13

Añ kung rtuh ào añ mơ đơs lah: “Cau lơi ò lơh jat jơnau ho gen dan Yàng Tom Trồ rtuh khai bơh hìu khai dê mơ bơh di sre brê khai dê, dan khai gơkòl rtuh tơlik behơ̆.” Gen jơh mpồl jơnum đơs: “Amen” mơ jòng ro Yàng Jehôwa. Làng bol lơh jat bơta bol khai neh ho.

I Yal Yau 16:36

Pal jòng ro Yàng Jehôwa la Yàng Tom Trồ Israel dê, bơh sùm sùm tus di sùm sùm. Gen jơh làng bol đơs “Amen” mơ “Jòng ro Yàng Jehôwa.”

I Kôrintô 14:16

Dilah ò behơ̆, dilah mê mìng ai hwềng nùs mơ ưnngài, gen cau nggui tềng hơ̆ ò git wă jơnau mê đơs la ñchi, gen mbe khai git wă jơnau ưnngài mê dê mơ đơs “Amen” taih?

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Đơs Crih 104:35

Lòi ală cau glài kong tơnroh bơh di ù, mơ cau iơh bơsak ò gam tai! Ơ hwềng soàn añ jê, jòng ro tĕ Yàng Jehôwa! Jòng ro Yàng Jehôwa!

Yal Tơlik 19:3

Bol khai đơs dô dơ̆ tai lah: “Haleluya! Ñhŭ ồs khai dê gơguh hơđang jơl sùm sùm ò lồi.”

Yal Tơlik 19:6

Chòp añ kơno jơnau gơlơh be jơnau dô mpồl bol oă, be jơnau oă dà hòr, mơ be jơnau ntơr kơnàs dờng, đơs lah: “Haleluya! Bơh Yàng la Yàng Tom Trồ bol he dê, la Bơtau Gơnoar Dờng Làm jơh, gơs gơnoar at bồ.