Yal Tơlik 19:2 - Sră Goh 2018

² Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”

Yal Tơlik 19:2 Referans Kwoze

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Yal Tơlik 18:3

Bơh jơh ală làng bol neh ñô tơrnòm bơta rềs àr bơrnàn khai dê. Ală cau bơtau hơđang plai ù neh tìs glài rềs àr bơrnàn mơ khai, mơ ală cau kă bro tòm ù kơnòm di bơta lơh gơlềng gơlàng oă ir khai dê mơ gơlik pas gơs.”

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Đơs Crih 19:9

Bơta duh rngòt di Yàng Jehôwa la sàng goh, kòp rài gam sùm sùm; Ală jơnau gơnoar sồr Yàng Jehôwa dê la song ngan, mơ jơh ală la song ring lơm.

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

II Ală Bơtau 9:7

Mê rơp tơnchơt hìu Ahap, cau tòm mê; mơ Añ rơp sal tê hơđang Jesebel bơh mhàm ală cau gơnoar hwơr dê, dĭ gơna Añ, bal mơ mhàm jơh ală dĭ gơna Yàng Jehôwa dê.

Daniel 7:26

Mơya bơta cahrña rơp tus, gơnap gơnoar khai dê rơp kòl tă tơlik mơ kong tơnroh tơnrui jơh hir.