Yal Tơlik 19:1 - Sră Goh 2018

¹ Tơnơ̆ mơ hơ̆ añ kơno hơđang trồ gơs jơnau driau dờng gơlơh be mpồl bol oă đơs lah: “Haleluya! Bơta dong klàs, bơta gơklŏ, mơ gơnap gơnoar gơrê bal mơ Yàng Tom Trồ bol he dê.

Yal Tơlik 19:1 Referans Kwoze

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Yal Tơlik 19:6

Chòp añ kơno jơnau gơlơh be jơnau dô mpồl bol oă, be jơnau oă dà hòr, mơ be jơnau ntơr kơnàs dờng, đơs lah: “Haleluya! Bơh Yàng la Yàng Tom Trồ bol he dê, la Bơtau Gơnoar Dờng Làm jơh, gơs gơnoar at bồ.

Yal Tơlik 12:10

Gen añ kơno hơđang trồ gơs jơnau dờng đơs lah: “Tŭ do bơta dong klàs, gơnap gơnoar, lơgar Yàng Tom Trồ bol he dê, mơ gơnoar Bơtau Krist Kơnràñ dê neh tus, bơh cau yă wơn oh mi bol he dê neh kong sơrbì rau, hơ̆ la cau ngai mơ mang yă wơn bol khai di đap Yàng Tom Trồ bol he dê.

Đơs Crih 148:1

Jòng ro Yàng Jehôwa! Jòng ro Yàng Jehôwa bơh hơđang ală tap trồ, Jòng ro Kơnràñ tòm ală tiah jơnhoa hơđang!

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Đơs Crih 150:1

Jòng ro Yàng Jehôwa! Jòng ro Yàng Tom Trồ tòm tiah sàng goh Kơnràñ dê! Jòng ro tĕ Kơnràñ bơh gơnoar pràn hơđang pah gòi Kơnràñ dê!

Đơs Crih 146:1

Jòng ro Yàng Jehôwa! Ơ hwềng soàn añ jê, jòng ro tĕ Yàng Jehôwa!

Đơs Crih 115:18

Mơya bol hi rơp jòng ro Yàng Jehôwa, Bơh tŭ do jơl tus sùm sùm. Jòng ro Yàng Jehôwa!

Đơs Crih 106:1

Jòng ro Yàng Jehôwa! Pal ưnngài Yàng Jehôwa bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm.

Đơs Crih 3:8

Bơta dong klàs gơrê bal mơ Yàng Jehôwa, Dan bơta lơngai Kơnràñ dê mù hơđang làng bol Kơnràñ dê.

Đơs Crih 149:1

Jòng ro Yàng Jehôwa! Đơs chò tĕ Yàng Jehôwa in dô bơta đơs chò pa! Jòng ro Kơnràñ tòm mpồl jơnum cau dòn song dê!

Đơs Crih 111:1

Jòng ro Yàng Jehôwa! Añ rơp jơh nùs ưnngài Yàng Jehôwa Tòm mpồl cau song ngan mơ tòm mpồl jơnum dờng.

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Đơs Crih 104:35

Lòi ală cau glài kong tơnroh bơh di ù, mơ cau iơh bơsak ò gam tai! Ơ hwềng soàn añ jê, jòng ro tĕ Yàng Jehôwa! Jòng ro Yàng Jehôwa!

Jeremi 51:48

Tŭ hơ̆, ală tap trồ, ù, mơ jơh ală phan hơđang ù, Rơp driau chò bơh Babilôn; Bơh ală cau tơnroh bơh đah đang tus tơnroh gơ,” Yàng Jehôwa đơs behơ̆.