Yal Tơlik 18:2 - Sră Goh 2018

² Khai hòi driau dờng lah: “Babilôn dờng neh tơrlah tơrlơm, tơrlah tơrlơm rau! Gơlik gơs tiah ơm ală cà dê, rsòn jơh ală cà ƀơ̆ iơh, mơ rsòn jơh ală jơi sềm ƀơ̆ ƀơl cù kìr,

Yal Tơlik 18:2 Referans Kwoze

Yal Tơlik 14:8

Cau gơnrơh dơ̆ bàr lòt jat mơ đơs lah: “Babilôn dờng ne neh tơrlah rau, tơrlah rau, gơ neh lơh jơh ală làng bol in ñô tơrnòm bơta rềs àr bơrnàn gơ dê.”

Jeremi 51:37

Babilôn rơp gơlik gơs gơnru tơrlah tơrlơm, Trồm so rhau ơm, Tiah ƀơ̆ iơh mơ bơrsèl tơnhial, Ò gơs làng bol ơm tai.

Jeremi 51:8

Babilôn nisơna kong tuh tơlup mơ bơcah lề lac. Ñìm rac tĕ bơh gơ! Ai tĕ sơnơm ƀô sơm bơta jê sồt gơ; Digơlan gơ rơp geh sơmbòi

Yal Tơlik 18:21

Gơs dô nă cau gơnrơh pràn kơldang ai dô nơm lŭ be mpal dờng sơrbì tòm dàlềng mơ đơs lah: “Ƀòn dờng Babilôn rơp kong sơrbì pràn ngan behơ̆, ò gơs tŭ lơi gŏ gơ tai.

Yal Tơlik 18:10

Mơ bơh rngòt di bơta jê sồt bol glar khai dê, gen bol khai rơp ơm ngài mơ đơs lah: “Nđàc sơngit ngan, pơlai soh ngan, ƀòn dờng Babilôn la ƀòn kơ̆ cê ne! Tòm dô jơ bơta lơh glài ai neh tus rau!”

Yal Tơlik 17:18

Cau ùr mơ mê neh gŏ hơ̆ la ƀòn dờng gơs gơnoar at bồ hơđang ală cau bơtau tòm plai ù.”

Yal Tơlik 17:5

Di bìng liang khai gơs cih dô nơm sơnđan ndơp ndơr lah: “Babilôn dờng, mè ală cau ùr dri tơlàr mơ mè ală bơta ngkòr ngkàc hơđang ù.”

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.

Esai 14:23

“Añ rơp lơh ù tiah gơ dê gơlik gơs tiah klàng kò in, mơ gơlik gơs tiah bŏ ală phan brê in; Añ rơp pơs gơ mơ pơrnơs bơta tơnroh dê.” Yàng Jehôwa Gơnap Gơnoar Dờng đơs behơ̆.

Yal Tơlik 16:13

Mơ añ gŏ pe nơm hwềng cà gơlơh rùp be kit mơ lik bơh di bơr nagrài, bơh di bơr phan poan jơng mơ bơh di bơr cau gơnoar hwơr ma blac.

Yal Tơlik 14:15

Gơs dô nă cau gơnrơh ndai lik bơh hìu duh khoai, hòi driau dờng mơ Bơtau nggui hơđang mhwal lah: “Ai tĕ mơ̆ Kơnràñ dê mơ toès, bơh jơ toès neh di, mơ kơnhai toès ù dê neh dum jơh rau.”

Yal Tơlik 10:3

Khai hòi driau dờng be dô nơm klìu triă ơluh ơhùm, dơ̆ khai hòi driau gen poh nơm kơnàs ntơr.

Yal Tơlik 5:2

Añ kung gŏ dô nă cau gơnrơh gơs gơnoar pràn ai jơnau dờng yal lah: “Ñcau di pal pò sră do mơ tă ală ƀang kì gơ dê taih?”

Sôphôni 2:14

Ală mpồl belàt mơ kơnrồ rơp bic rlô tềng hơ̆ bal mơ jơh ală jơi phan poan jơng tòm brê, klàng tòm ƀlàng bràs, bal mơ klàng kò rơp lơh rsòn hơđang cồng ală jrong gơ dê. Sap nrao gơ dê rơp mpong tus di ală mpồng dềt, bơta tơrlah tơrlơm tòm ală gùng mut mpồng, ală phan lơh mơ chi pơnàng rơp kòl tă tơlik.

Jeremi 25:30

“Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Yal Tơlik 1:15

jơng Kơnràñ dê gơlơh be kòng àng gơcrà, neh ryă tòm bơnhă ồs; mơ jơnau đơs Kơnràñ dê be jơnau ală dà nggồr.

Jôel 3:16

Yàng Jehôwa rơp ơluh ơhùm bơh Siôn; mơ lơh gơlik ntas sap Kơnràñ dê bơh Jerusalem; plai ù mơ ală tap trồ gơlơnggơr. Mơya Yàng Jehôwa la tiah kìng crŭ làng bol Kơnràñ dê, la theng kơ̆ cê làng bol Israel in.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.