Yal Tơlik 18:1 - Sră Goh 2018

¹ Tơnơ̆ mơ hơ̆, añ gŏ dô nă cau gơnrơh ndai mù bơh đang trồ, gơs gơnoar dờng ngan; bơta gơklŏ khai dê àng gơcrà làm jơh plai ù.

Yal Tơlik 18:1 Referans Kwoze

Ejekiel 43:2

mơ añ gŏ bơta gơklŏ Yàng Tom Trồ Israel dê tus bơh đah mattơngai lik. Sap Kơnràñ dê kơno tòm toh kung be ntas dà dờng nggồr, mơ ù tiah àng gơcrà bơh bơta gơklŏ Kơnràñ dê.

Luka 17:24

Be puhlèp bơh đah trồ do àng gơcrà tus hơ đah trồ ne, gen Kòn Mơnus tòm ngai Kơnràñ dê kung behơ̆ sơl.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.

Yal Tơlik 17:1

Gen dô nă tòm poh nă cau gơnrơh neh at poh nơm mơngàn tus đơs mơ añ lah: “Tus hơ do, añ rơp sơnio mê in bơta lơh glài cau ùr dri tơlàr dờng, khai ơm nggui hơđang ală dà.

Yal Tơlik 10:1

Chòp añ gŏ dô nă cau gơnrơh pràn kơldang ndai mù bơh đang trồ, soh mhwal be ào, di bồ gơs dô nơm bơrlangkang, mat khai be mattơngai, mơ jơng khai be jrong ồs.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Yal Tơlik 17:7

Mơya cau gơnrơh đơs mơ añ lah: “Mbe mê ai lơh krơi behơ̆ taih? Añ rơp yal tơlik mê in bơta ndơp ndơr bơh cau ùr mơ bơh phan poan jơng pơdiang khai, la phan poan jơng gơs poh nơm bồ mơ jơt nơm ngke.