Yal Tơlik 15:4 - Sră Goh 2018

⁴ Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”

Yal Tơlik 15:4 Referans Kwoze

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 14:7

Khai đơs jơnau dờng lah: “Duh rngòt tĕ di Yàng Tom Trồ mơ jòng ro Kơnràñ, bơh jơ cahrña Kơnràñ dê neh di rau; duh khoai tĕ Bơtau neh crơng gơs trồ, tiah, dàlềng mơ ală croh dà.”

Sacari 14:16

Gen ală cau gam kis bơh tòm ală lơgar neh brồ lơh Jerusalem rơp guh tus tềng hơ̆ kòp sơnam nàng duh khoai Bơtau la Yàng Jehôwa Gơnap Gơnoar Dờng Làm Jơh, mơ pơjum sa ngai wèr Sàl ing.

Esai 25:3

Gen tàng dô nơm làng bol pràn kơldang rơp jòng ro Kơnràñ; ƀòn dờng ală làng bol iơh bơsak dê rơp rngòt di Kơnràñ.

Esai 45:23

Añ neh ai să tòm Añ mơ srat să, bơr Añ neh đơs tòm bơta song ring, dô jơnau rơp ò tŭ lơi rê wơl: Di đap Añ jơh ală gơltang rơp cùn, kòp nơm lơmpiat rơp srat să ho nền.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

I Pier 1:16

bơh Sră Goh neh cih lah: “Bol mê pal gơs sàng goh, bơh añ la sàng goh.”

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Yal Tơlik 16:7

Mơ añ kơno cơnòng duh khoai đơs lah: “Ngan, khoai Yàng la Yàng Tom Trồ, Bơtau Gơnoar Dờng Làm Jơh, Ală bơta cahrña Kơnràñ dê la song ngan mơ song ring.”

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”

Esai 26:9

Hwềng soàn añ kơp gơn Kơnràñ tòm trồ mang; hwềng nùs tòm añ jơh nùs jòi jat Kơnràñ; bơh tòm tŭ ală bơta cahrña Kơnràñ dê gam hơđang ù, gen làng bol ơm tòm dunnia bơtê bơta song ring.

Đơs Crih 89:7

Kơnràñ la Yàng Tom Trồ cau pal rngòt ngan tòm mpồl jơnum ală cau sàng goh dê, La Bơtau dờng mơ cau pal rngòt rngơt rlau mơ jơh ală cau ơm gùt dar Kơnràñ.

Rôma 15:9

nàng lơh làng bol bơdìh in jòng ro Yàng Tom Trồ bơh bơta kòñ nđàc Kơnràñ dê, be neh cih lah: “Tài bơh hơ̆ tàng añ rơp jòng ro Yàng digùl làng bol bơdìh, Mơ đơs chò jòng ro sơnđan Kơnràñ.”

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Đơs Crih 105:7

Kơnràñ la Jehôwa Yàng Tom Trồ bol he dê; Bơta cahrña Kơnràñ dê gơs làm jơh plai ù.

Đơs Crih 99:9

Jòng ro tĕ Jehôwa Yàng Tom Trồ bol he dê, Mơ duh khoai hơđang mơnơm sàng goh Kơnràñ dê; Bơh Jehôwa Yàng Tom Trồ bol he dê la sàng goh!

Đơs Crih 22:3

Ai Yàng la sàng goh, Ơm hơđang sơbàn mơ geh Israel jòng ro.

I Samuel 2:2

Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.

Esai 60:5

Gen mê rơp sền gŏ mơ gơs muh mat àng lơr, nùs mê rơp rơm ngòt mơ bơta hòn chò; tài bơh bơta tơngkah tơngkañ ală dàlềng dê rơp geh cèng tus hơ mê, bơta pas gơs ală lơgar dê rơp tus hơ mê.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 24:15

Gen tàng bơh đah mattơngai lik, cèng bơta gơklŏ Yàng Jehôwa in, tòm ală bồt pơlào dàlềng dê, jòng ro tĕ sơnđan Yàng Jehôwa la Yàng Tom Trồ Israel dê.

Đơs Crih 99:5

Jòng ro tĕ Jehôwa Yàng Tom Trồ bol he dê, mơ duh khoai di kơrnòl jơng Kơnràñ dê. Yàng la sàng goh!

Đơs Crih 97:8

Ơ Yàng Tom Trồ, tài bơh bơta cahrña Kơnràñ dê, Siôn kơno gen chò hòp; mơ ală kòn ùr Juda dê hòn chò.

Đơs Crih 22:23

Ơ ală cau duh rngòt di Yàng Jehôwa, jòng ro tĕ Kơnràñ! Ơ jơh ală jơi bơtiàn Jakôp dê, jòng ro tĕ Kơnràñ! Ơ jơh ală jơi bơtiàn Israel dê, duh rngòt tĕ di Kơnràñ!

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Yal Tơlik 16:5

Añ kơno cau gơnrơh gơs gơnoar hơđang ală dà đơs lah: “Ơ Bơtau gam gơs mơ neh gơs, la Bơtau sàng goh, Kơnràñ la song ring tài bơh Kơnràñ neh cahrña be do.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”