Yal Tơlik 15:1 - Sră Goh 2018

¹ Gen añ neh gŏ dô nơm tềl is tai hơđang trồ, tềl is hơ̆ dờng mơ krơi is, hơ̆ la poh nă cau gơnrơh at poh bơta rung rài lồi dut; mơ bơh ală bơta rung rài hơ̆ gen sồng bơta gơjrañ dờng Yàng Tom Trồ dê ò gam tai.

Yal Tơlik 15:1 Referans Kwoze

Lebi 26:21

Dilah bol mê kư̆ gam tòmdră mơ Añ mơ ò bài iat Añ, Añ rơp bơtơl bơta rung rài bòl glar bol mê in poh dơ̆ rlau tai, di pal mơ ală bơta tồi glài bol mê dê.

Yal Tơlik 21:9

Gơs dô nă tòm poh nă cau gơnrơh neh at poh nơm mơngàn bềng poh bơta rung rài lồi dut, lòt tus đơs mơ añ lah: “Tus tĕ hơ do, añ rơp sơnio mê in ƀan, la bau ùr Belàt Kòn dê.”

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 16:1

Añ kơno dô jơnau dờng bơh di hìu duh khoai đơs mơ poh nă cau gơnrơh lah: “Lòt tĕ, tuh poh nơm mơngàn bơta gơjrañ dờng Yàng Tom Trồ dê tòm ù.”

Yal Tơlik 14:19

Gen cau gơnrơh tơyơr mơ̆ khai dê tòm ù mơ siat plai ño ù dê, mơ sơrbì tòm mpal dờng pat tơrnòm bơta gơjrañ dờng Yàng Tom Trồ dê.

Yal Tơlik 14:10

gen cau hơ̆ kung rơp ñô tơrnòm bơta gơjrañ dờng ò crài Yàng Tom Trồ dê mơ êt di mơngàn bơta gơjrañ Kơnràñ dê, mơ khai rơp kong jê sồt tòm ồs mơ siau di đap ală cau gơnrơh sàng goh mơ di đap Belàt Kòn.

Daniel 6:27

Kơnràñ dong tă mơ dong klàs, lơh ală tềl is bơta krơi hơđang trồ mơ tòm ù, Kơnràñ neh dong tă Daniel bơh di gơnoar pràn ală klìu triă dê.”

Yal Tơlik 11:14

Bơta bòl glar sơbơng roh dơ̆ bàr neh rlau rau; do, bơta bòl glar sơbơng roh dơ̆ pe tus mhar.

Yal Tơlik 10:3

Khai hòi driau dờng be dô nơm klìu triă ơluh ơhùm, dơ̆ khai hòi driau gen poh nơm kơnàs ntơr.

Yal Tơlik 8:6

Poh nă cau gơnrơh at poh nơm kơlwòk neh rcang nàng uh.

Yal Tơlik 8:13

Añ sền gŏ mơ kơno dô nơm klàng bung par digùl trồ, hòi driau dờng lah: “Bòl glar ngan! Bòl glar ngan! Ală cau in ơm hơđang plai ù, bơh jơnau kơlwòk mơ pe nă cau gơnrơh ndai rơp uh tai.”

Yal Tơlik 8:2

Gen añ gŏ poh nă cau gơnrơh ntào di đap Yàng Tom Trồ, mơ neh ai bol khai in poh nơm kơlwòk.

Yal Tơlik 9:20

Ai ală cau gam wơl, la cau òhềt chơt bơh ală bơta rung rài hơ̆, bol khai ò gơjrañ sang glài bơh ală broă tê bol khai lơh, mơ kung ò sang lòi bơta duh khoai ală cà mơ ală rùp ràk mơ màh, priă, kòng, lŭ mơ chi, la ală phan ò rgơi gŏ, ò rgơi kơno, mơ ò rgơi lòt.

Yal Tơlik 17:1

Gen dô nă tòm poh nă cau gơnrơh neh at poh nơm mơngàn tus đơs mơ añ lah: “Tus hơ do, añ rơp sơnio mê in bơta lơh glài cau ùr dri tơlàr dờng, khai ơm nggui hơđang ală dà.