Yal Tơlik 13:7 - Sră Goh 2018

⁷ Gơ geh ai gơnoar tòmlơh mơ ală cau sàng goh mơ gơ geh pha lin rlau. Gơ kung geh ai gơnoar hơđang jơh ală jơi bơtiàn, làng bol, jơnau đơs mơ lơgar.

Yal Tơlik 13:7 Referans Kwoze

Daniel 7:21

Añ sền gŏ ngke hơ̆ tòmlơh mơ ală cau sàng goh, mơ gơ geh pha,

Yal Tơlik 11:7

Tòm tŭ bol khai neh lơh cơng sir rau gen phan poan jơng guh bơh brong jrô hùt hung rơp tòmlơh mơ bol khai, gen gơ geh pha lin rlau mơ tơnchơt bol khai.

Yal Tơlik 12:17

Gen nagrài gơhào gơjrañ di cau ùr, mơ lòt tòmlơh mơ ală cau ndai tòm jơi bơtiàn cau ùr hơ̆ dê, la ală cau prap gàr ală bơta sồr lam Yàng Tom Trồ dê mơ gơs jơnau lơh cơng bơh Yàng Jesu.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Yal Tơlik 17:15

Cau gơnrơh đơs tai mơ añ lah: “Ală dà mơ mê neh gŏ, gơs cau ùr dri tơlàr nggui hơđang, hơ̆ la ală làng bol, ală mpồl bơnòr oă, ală lơgar mơ ală jơnau đơs.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”

Yal Tơlik 10:11

Mơ gơs jơnau đơs mơ añ lah: “Dô dơ̆ tai mê pal đơs hwơr bơh oă làng bol, oă lơgar, oă jơnau đơs mơ oă cau bơtau sơl.”

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

Luka 4:6

mơ đơs lah: “Añ rơp ai Kơnràñ in jơh ală gơnoar mơ bơta gơklŏ ală lơgar hơ̆ dê, bơh neh jào añ in rau, añ kòñ ai cau lơi in jat nùs kòñ añ jê.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Esai 37:26

Mê òhềt kơno ơ? Añ neh lơh nền bơta hơ̆ bơh jŏ rau, Añ neh rơndap bơta hơ̆ bơh rài yau òr; tŭ do Añ neh lơh gơlik gơs, la mê neh lơh ală ƀòn dờng kơ̆ cê gơlik gơs ală gơnru lề lac ngềt ngơt.

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.