Yal Tơlik 13:6 - Sră Goh 2018

⁶ Gơ neh pò bơr đơs ală jơnau tràl sơrbil tòmdră mơ Yàng Tom Trồ, tràl sơrbil di sơnđan Kơnràñ, di tiah ơm Kơnràñ dê, hơ̆ la ală cau ơm hơđang trồ.

Yal Tơlik 13:6 Referans Kwoze

Yal Tơlik 12:12

Gen tàng, ơ ală tap trồ mơ ală cau ơm tềng hơ̆, hòn chò tĕ! Mơya bòl glar ù tiah mơ dàlềng in, bơh cà ràk neh gơhào gơjrañ dờng mơ mù tus hơ bol mê, tài bơh gơ git tŭ tơngai gơ dê ò gam jŏ tai!”

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Mathiơ 12:34

Ơ jơi bơtiàn bơs tur ne; bol mê la iơh bơsak gen mbe rgơi đơs bơta niam taih? Bơh jat bơta bềng lìu tòm nùs gen sồng bơr đơs tơlik.

Yal Tơlik 21:3

Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 11:12

Chòp bàr nă cau hơ̆ kơno dô jơnau dờng bơh đang trồ đơs mơ bol khai lah: “Guh tĕ hơ do.” Bàr nă bol khai guh hơ trồ tòm mhwal, di đap mat ală cau sò tơm di bol khai.

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,

Yal Tơlik 5:13

Añ kơno jơh ală phan crơng gơs hơđang trồ, tòm ù, hơđơm ù, tòm dàlềng, mơ jơh ală phan tòm ală tiah hơ̆ đơs chò bal lah: “Dan Bơtau nggui hơđang sơbàn bal mơ Belàt Kòn geh bơta jòng ro, bơta ryŭ ryơm, bơta gơklŏ mơ gơnoar pràn jơl sùm sùm ò lồi.”

Yal Tơlik 4:4

Gùt dar sơbàn hơ̆ gơs bàr jơt poan nơm sơbàn ndai; hơđang ală sơbàn do gơs bàr jơt poan nă cau kwang kra nggui, bol khai soh ào bò mơ dê bồ bol khai ndau sơgơn mơ màh.

Yal Tơlik 4:1

Tơnơ̆ mơ hơ̆ añ sền gŏ, ne, dô nơm mpồng pò hơđang trồ, mơ jơnau añ neh kơno bơh sơnròp đơs mơ añ be ntas kơlwòk, jơnau hơ̆ đơs mơ añ lah: “Guh tĕ hơ do, Añ rơp sơnio mê in ală bơta pal gơlik tus tơnơ̆.”

Hebrơ 9:2

Bơh neh bơtào gơs dô nơm Hìu Ing Duh Khoai rau, pơnah sơnròp sơnđan la Tiah Sàng Goh, tòm hơ̆ gơs jơng ồs đèng, cơnòng mơ piang lă pơdơng.

Rôma 3:13

“Rnồng dò bol khai be bơtô ƀồc pò bơk. Bol khai ngui lơmpiat he dê nàng pơrlồm.” “Tòm tiah sơndồi bol khai gơs bih khih bơs tur.”

Kôlôse 2:9

Bơh bơta bềng tơl nùs nhơm Yàng Tom Trồ dê ơm jơh tòm să jan Yàng Jesu.

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Sră Jop 3:1

Tơnơ̆ mơ ală bơta hơ̆, Jop pò bơr srat rma ngai deh khai dê.

Đơs Crih 73:9

Bol khai đơs tòmdră mơ trồ, Mơ jơnau bol khai đơs pơnro làm ù.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Yal Tơlik 7:15

Tài bơh hơ̆ sồng bol khai ơm di đap sơbàn Yàng Tom Trồ dê, ngai mơ mang duh broă Yàng Tom Trồ tòm hìu duh khoai Kơnràñ dê; ai Bơtau nggui hơđang sơbàn rơp jơm gòm bol khai.

Yal Tơlik 15:5

Tơnơ̆ mơ hơ̆ añ sền gŏ hìu duh khoai, la Hìu Ing Duh Khoai cơng tàng, pò tơlik hơđang trồ.