Yal Tơlik 13:5 - Sră Goh 2018

⁵ Neh ai phan poan jơng in dô nơm bơr đơs ală jơnau pơnhừ să mơ tràl sơrbil di Yàng Tom Trồ, mơ gơ kung geh ai gơnoar at bồ tòm poan jơt bàr kơnhai.

Yal Tơlik 13:5 Referans Kwoze

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 7:11

Añ wèt mat sền tài bơh kơno ntas ală jơnau tràl sơrbil mơ ngke dềt hơ̆ neh đơs. Añ tơnggòr sền jơl tus di tŭ phan poan jơng kong tơnchơt, să jan gơ kong tơnroh mơ chu pơrguc jơh tòm ồs.

Yal Tơlik 12:14

Mơya cau ùr geh ai bàr nơm đar klàng bung dờng, tồ khai rgơi par pleh bơh di bơs mơ tus tiah khai ơm tòm ƀlàng bràs; tềng hơ̆ khai geh ròng siam tòm dô tơngai, ală tơngai mơ nggùl tơngai.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

Daniel 7:20

Añ kung kòñ git jơnau gơtha bơh jơt nơm ngke di bồ gơ, mơ bơh dô nơm ngke ndai gơhòn lik tơnơ̆, mơ di đap ngke hơ̆ pe nơm ngke ne neh gơkòl tă tơlik, ngke hơ̆ gơs ală mat mơ bơr đơs ală jơnau tràl sơrbil, mơ gơ pràn kơldang rlau mơ ală ngke ndai.

Yal Tơlik 13:7

Gơ geh ai gơnoar tòmlơh mơ ală cau sàng goh mơ gơ geh pha lin rlau. Gơ kung geh ai gơnoar hơđang jơh ală jơi bơtiàn, làng bol, jơnau đơs mơ lơgar.

Yal Tơlik 11:7

Tòm tŭ bol khai neh lơh cơng sir rau gen phan poan jơng guh bơh brong jrô hùt hung rơp tòmlơh mơ bol khai, gen gơ geh pha lin rlau mơ tơnchơt bol khai.

Đơs Crih 12:3

Dan Yàng Jehôwa tơnroh jơh ală sơndồi rơmhòc, Mơ lơmpiat jak đơs pơnhừ să.

Daniel 8:14

Khai ho wơl añ in lah: “Bàr rbô pe rhiang trồ mho mơ trồ àng drim: tơnơ̆ mơ hơ̆ tiah sàng goh rơp geh lơh sàng goh wơl.”

Daniel 12:12

Lơngai cau lơi in kơp gơn tus di lồi dut dô rbô pe rhiang pe jơt pram ngai.

II Tesalônika 2:3

Bulah cau ngui bơta lơi kung bañ lòi bol khai pơrlồm oh mi, bơh ngai hơ̆ rơp ò tus jơl tus gơs bơta pơrlơ̆ sang jơnau Yàng tus lài, mơ gơs cau glài dờng, hơ̆ la kòn bơta roh rui rơp geh yal tơlik.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Ejekiel 35:13

Mê neh ngui bơr nàng jòng să tòmdră mơ Añ, mơ neh đơs oă jơnau tòmdră mơ Añ, mơ Añ neh kơno gơ.’