Yal Tơlik 13:2 - Sră Goh 2018

² Phan poan jơng añ gŏ hơ̆ gơlơh be klìu sơmañ, jơng be jơng jơgơu, bơr be bơr klìu triă. Nagrài ai phan poan jơng hơ̆ in gơnap gơnoar, sơbàn mơ gơnoar dờng gơ dê.

Yal Tơlik 13:2 Referans Kwoze

Yal Tơlik 20:2

Khai kup nagrài, hơ̆ la bơs yau, la Cà ràk, la cà Satan, mơ kơt gơtòm dô rbô nam.

Yal Tơlik 17:12

Mơ jơt nơm ngke mơ mê neh gŏ hơ̆ la jơt nă cau bơtau òhềt dòp geh gơnoar at bồ, mơya bol khai rơp dòp gơnoar bơtau dê bal mơ phan poan jơng tòm dô jơ lơm.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 13:4

Bol khai duh khoai nagrài, tài bơh gơ neh ai phan poan jơng in gơnoar gơ dê; mơ bol khai kung duh khoai phan poan jơng hơ̆ sơl mơ đơs: “Ñcau ndròm be phan poan jơng taih? Ñcau rgơi tòmlơh mơ gơ taih?”

Yal Tơlik 12:15

Bơs broac dà bơh di bơr gơ dê gơlik gơs be dô nơm hiòng jat bơh tơnơ̆ cau ùr, nàng cèng pơrdô khai tòm hiòng dà hơ̆.

Yal Tơlik 12:13

Dơ̆ nagrài gŏ gơ neh kòl sơrbì tòm plai ù, gen gơ ting jat cau ùr neh deh kòn klau.

Yal Tơlik 16:10

Cau gơnrơh dơ̆ pram tuh mơngàn khai dê hơđang sơbàn phan poan jơng dê, gen lơgar gơ dê gơlik gơs klam jơngo, mơ ală cau kap lơmpiat he bơh bơta jê sồt

Amôs 5:19

gơlơh be dô nă cau bulah neh dô klàs bơh klìu triă gen rơp tìp jơgơu, be dô nă cau bulah neh mut tòm hìu, neh ơn rlô tê khai dê hơđang dơrñang, gen gơkòl bơs kap.

Jeremi 13:23

Cau Ethiôpi rgơi tòmgơl gơltau, Hala klìu sơmañ rgơi tòmgơl sơnràng gơ dê sơl? Dilah rgơi gen bol ai la cau neh mòng lơh iơh rau, Kung rgơi lơh niam sơl.

Jeremi 5:6

Gen tàng dô nơm klìu triă tòm brê rơp tơnchơt bol khai, dô nơm so rhau bơh ƀlàng bràs rơp tơnroh bol khai, Dô nơm klìu sơmañ ơm kơp mòc tòmdră mơ ală ƀòn dờng bol khai dê, cau lơi lik lòt bơh tiah hơ̆, rơp kong crè rpot rpet! Bơh tồi glài bol khai dê oă ngan, bơta pơrlơ̆ dră bol khai dê la dờng ngan.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jơnau Pơnđik 28:15

Dô nă cau bơtau iơh bơsak at bồ làng bol rƀah, ò gơkrơi be klìu triă ơluh ơhùm, mơ jơgơu ting jat phan kup geh.

Jơnau Pơnđik 17:12

Chan cau tìp jơgơu me kong roh kòn, Rlau mơ tìp cau bơrngơl gơla tòm bơta sơnrang khai dê.

Đơs Crih 22:21

Dan dong añ klàs bơh di bơr klìu triă! Dan dong hwềng soàn bòl glar moat jrùng añ jê klàs bơh di ală ngke rpu brê dê.

II Ală Bơtau 2:24

Khai wơlke mơ gŏ kơnòm hơ̆, mơ khai srat rma ală kơnòm hơ̆ tòm sơnđan Yàng Jehôwa. Gen gơs bàr nơm jơgơu me lik bơh brê, kap crè poan jơt bàr nă kơnòm klau.

Habakuk 1:8

Ală ơseh bol khai dê ntoat mhar rlau mơ klìu sơmañ, rhung rhang rlau mơ so rhau tòm trồ mang. Mpồl ling hào ơseh bol khai dê ràn tus, ală cau ling hào ơseh bol khai dê tus bơh di tiah ngài; bol khai par kung be klàng bung srà mhar nàng sa loan.

Amôs 3:12

Yàng Jehôwa đơs be do: “Be cau ê belàt mìng tă bàr đah nơm jơng hala dô nơm tồr bơh di bơr klìu triă, behơ̆ ală làng bol Israel la ală cau ơm tòm Samari rơp geh dong tă di mum cơnòng jòng hala di gah cơnòng bic bol khai dê.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.

Yal Tơlik 13:12

Gơ ngui jơh gơnoar phan poan jơng sơnròp dê, di đap phan poan jơng hơ̆. Gơlơh plai ù in mơ ală cau ơm tòm hơ̆ duh khoai phan poan jơng sơnròp, la phan poan jơng neh gơs sồt kơnjơ̆ mơ neh geh sơmbòi.