Yal Tơlik 13:11 - Sră Goh 2018

¹¹ Añ gŏ tai dô nơm phan poan jơng ndai guh bơh tòm ù, gơ gơs bàr nơm ngke kung be belàt kòn, mơ gơ đơs be nagrài.

Yal Tơlik 13:11 Referans Kwoze

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Yal Tơlik 17:6

Añ gŏ cau ùr hơ̆ bơñul bơh mhàm ală cau sàng goh mơ mhàm ală cau chơt tài bơh bơta lơh cơng bơh Yàng Jesu. Dơ̆ añ gŏ cau ùr hơ̆ gen añ ai lơh krơi ngan.

Yal Tơlik 16:13

Mơ añ gŏ pe nơm hwềng cà gơlơh rùp be kit mơ lik bơh di bơr nagrài, bơh di bơr phan poan jơng mơ bơh di bơr cau gơnoar hwơr ma blac.

Yal Tơlik 13:17

tồ ò gơs dô nă cau lơi rgơi rwat hala tac, mìng ală cau neh gơs tềl phan poan jơng dê, hơ̆ la sơnđan hala khà sơnđan gơ dê.

Yal Tơlik 11:7

Tòm tŭ bol khai neh lơh cơng sir rau gen phan poan jơng guh bơh brong jrô hùt hung rơp tòmlơh mơ bol khai, gen gơ geh pha lin rlau mơ tơnchơt bol khai.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Yal Tơlik 12:17

Gen nagrài gơhào gơjrañ di cau ùr, mơ lòt tòmlơh mơ ală cau ndai tòm jơi bơtiàn cau ùr hơ̆ dê, la ală cau prap gàr ală bơta sồr lam Yàng Tom Trồ dê mơ gơs jơnau lơh cơng bơh Yàng Jesu.

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.

Yal Tơlik 17:8

Phan poan jơng mê neh gŏ hơ̆, lài neh gơs, tŭ do ò gơs, mơ gơ rơp guh bơh tòm brong jrô hùt hung mơ lòt tus hơ tiah roh rui. Ală cau ơm hơđang plai ù mơ sơnđan mat bol khai ò gơs cih tòm sră bơta kis bơh dê tŭ crơng gơs trồ tiah, dơ̆ bol khai gŏ phan poan jơng gen bol khai rơp ai lơh krơi, tài bơh lài gơ neh gơs, tŭ do ò gơs, mơ tơnơ̆ rơp tus tai.

Daniel 8:3

Añ tơnggòr sền mơ gŏ dô nơm belàt dam ntào di gah hiòng. Gơ gơs bàr nơm ngke jòng, ngke dơ̆ bàr hòn tơnơ̆ mơ jòng rlau mơ ngke ne.

Yal Tơlik 13:1

Gen añ gŏ dô nơm phan poan jơng guh bơh dàlềng, gơ gơs jơt nơm ngke mơ poh nơm bồ, ală ngke ndau jơt nơm sơgơn bơtau, mơ di ală bồ gơs dô nơm sơnđan tràl sơrbil di Yàng Tom Trồ.

Yal Tơlik 13:4

Bol khai duh khoai nagrài, tài bơh gơ neh ai phan poan jơng in gơnoar gơ dê; mơ bol khai kung duh khoai phan poan jơng hơ̆ sơl mơ đơs: “Ñcau ndròm be phan poan jơng taih? Ñcau rgơi tòmlơh mơ gơ taih?”