Yal Tơlik 13:1 - Sră Goh 2018

¹ Gen añ gŏ dô nơm phan poan jơng guh bơh dàlềng, gơ gơs jơt nơm ngke mơ poh nơm bồ, ală ngke ndau jơt nơm sơgơn bơtau, mơ di ală bồ gơs dô nơm sơnđan tràl sơrbil di Yàng Tom Trồ.

Yal Tơlik 13:1 Referans Kwoze

Yal Tơlik 12:3

Hơđang trồ kung gơlik gơs dô nơm tềl krơi ndai tai sơl: Ne, dô nơm nagrài dờng, să pơrhê, poh nơm bồ, jơt nơm ngke, ală bồ gơ ndau poh nơm sơgơn bơtau.

Yal Tơlik 17:3

Añ geh rngoh rngac bơh Yàng Hwềng, mơ cau gơnrơh hơ̆ cèng añ lòt tus tòm ƀlàng bràs; añ gŏ dô nă cau ùr hào hơđang dô nơm phan poan jơng pơrhê, gơ gơs poh nơm bồ, jơt nơm ngke, să gơ bềng ală sơnđan tràl sơrbil.

Yal Tơlik 11:7

Tòm tŭ bol khai neh lơh cơng sir rau gen phan poan jơng guh bơh brong jrô hùt hung rơp tòmlơh mơ bol khai, gen gơ geh pha lin rlau mơ tơnchơt bol khai.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Yal Tơlik 17:16

Jơt nơm ngke mơ mê neh gŏ hơ̆ bal mơ phan poan jơng rơp gơjrañ kơuềng di cau ùr dri tơlàr ne, lơh khai in ơm is, ơm kuh lòi rồ, sa poac khai dê mơ chu pơrguc khai tòm ồs.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Yal Tơlik 15:2

Añ neh gŏ be dô nơm dàlềng krơh bơcă bal mơ ồs, kung gŏ ală cau neh geh pha lin rlau mơ phan poan jơng mơ rùp gơ mơ khà sơnđan gơ, ală cau hơ̆ ntào di gah dàlềng krơh hơ̆ mơ at ală kơñi pĕ Yàng Tom Trồ dê.

Yal Tơlik 17:5

Di bìng liang khai gơs cih dô nơm sơnđan ndơp ndơr lah: “Babilôn dờng, mè ală cau ùr dri tơlàr mơ mè ală bơta ngkòr ngkàc hơđang ù.”

Yal Tơlik 13:11

Añ gŏ tai dô nơm phan poan jơng ndai guh bơh tòm ù, gơ gơs bàr nơm ngke kung be belàt kòn, mơ gơ đơs be nagrài.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 13:15

Gơ kung geh gơnoar ai nhơm kis rùp phan poan jơng hơ̆ in tian gơs rùp hơ̆ kung rgơi đơs sơl, mơ gơlơh ală cau lơi in ò duh khoai rùp phan poan jơng hơ̆ gen pal kong tơnchơt.

Yal Tơlik 16:13

Mơ añ gŏ pe nơm hwềng cà gơlơh rùp be kit mơ lik bơh di bơr nagrài, bơh di bơr phan poan jơng mơ bơh di bơr cau gơnoar hwơr ma blac.

Yal Tơlik 19:19

Añ gŏ phan poan jơng mơ ală cau bơtau hơđang plai ù bal mơ ală mpồl ling bol khai dê pơjum bal nàng tòmlơh mơ Bơtau hào ơseh bal mơ mpồl ling Kơnràñ dê.

Daniel 2:41

Mơ kung be bơtau neh gŏ, mpàng jơng mơ ràs jơng nggùl mơ ù kơnàng mơ nggùl mơ lòs, hơ̆ la dô nơm lơgar rơp gơkòl cah is, mơya gam gơs bơta pràn kơldang lòs dê, kung be bơtau neh gŏ lòs bơcă bal mơ ù kơnàng.