Yal Tơlik 12:8 - Sră Goh 2018

⁸ Mơya bol gơ kong alah, mơ hơđang trồ ò gam gơs tiah lơi bol gơ in tai.

Yal Tơlik 12:8 Referans Kwoze

Đơs Crih 37:10

Dô êt jŏ tai, cau iơh bơsak ò gam tai; Bulah mê sền sơwì tòm tiah khai ơm, mơya khai ò gơs tềng hơ̆.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Jeremi 1:19

Bol khai rơp tòmlơh mơ mê, mơya ò geh pha mơ mê; bơh Añ ơm bal mơ mê nàng dong tă mê, Yàng Jehôwa đơs behơ̆.”

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.

Broă 1:25

nàng ala pơnah broă tòm cau gơnoar bơto dờng dê mơ Juda neh sang lòi nàng lòt tòm tiah ơn is khai in.”

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Đơs Crih 129:2

Bơh tòm tŭ añ gam pơnu, bol khai òs sò tơm di añ sùm, mơya bol khai ò geh pha rlau mơ añ.

Đơs Crih 13:4

Rngòt cau sò tơm di añ đơs lah: “Añ neh pha rlau mơ khai.” Mơ ală cau sòdră di añ hòn chò tòm tŭ añ wañ lơnggơh.

Sră Jop 20:9

Gar mat neh sền gŏ bol khai rơp ò gŏ bol khai tai, Tiah ơm bol khai dê kung ò đal git bol khai tai.

Sră Jop 8:18

Dilah gơ gơkòl dus bơh di tiah gơ dê, Gen tiah hơ̆ rơp ò dòp gơ mơ đơs lah: ‘Añ òhềt tŭ lơi gŏ mê!’

Sră Jop 7:10

Bol khai ò rê wơl hơ hìu bol khai dê tai, tiah ơm bol khai dê ò git đal bol khai tai.

Yal Tơlik 12:7

Mơ tai, hơđang trồ gơs dô bơta tòmlơh: Mikael mơ ală cau gơnrơh khai dê tòmlơh mơ nagrài, nagrài mơ ală cau gơnrơh gơ dê tòmlơh wơl.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.