Yal Tơlik 12:4 - Sră Goh 2018

⁴ Tiang gơ hwài dô pơnah pe ală sơmañ hơđang trồ mơ sơrbì tòm plai ù. Nagrài hơ̆ ơm ntào di đap cau ùr mòr deh, nàng gơ rgơi sa loan kòn khai dê tòm tŭ khai geh deh.

Yal Tơlik 12:4 Referans Kwoze

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Yal Tơlik 9:19

Bơh gơnoar pràn ală ơseh hơ̆ dê ơm di bơr mơ di tiang bol gơ; ală tiang bol gơ gơlơh be bơs mơ gơs bồ, kơnòm di ală bồ hơ̆ bol gơlơh jê sồt di ală cau.

Yal Tơlik 9:10

Bol gơ gơs tiang be tiang diang dê, rgơi cuh, mơ gơnoar pràn bol gơ dê ơm di tiang nàng lơh jê sồt ală cau tòm pram kơnhai.

Yal Tơlik 8:7

Cau gơnrơh sơnròp uh kơlwòk, gen gơs mìu piar, mơ ồs bơcă bal mơ mhàm dùh tòm plai ù. Dô pơnah pe chi che kong ồs sa, mơ jơh ală ñhơt tơlir kong ồs sa sơl.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

Lik Ejiptơ 1:16

“Tòm tŭ bol ai lòt đơng deh cau ùr Hebrơ in, dilah gŏ deh kòn klau gen tơnchơt tĕ kòn hơ̆; mơya dilah la kòn ùr gen lòi kòn hơ̆ kis.”

Yal Tơlik 17:18

Cau ùr mơ mê neh gŏ hơ̆ la ƀòn dờng gơs gơnoar at bồ hơđang ală cau bơtau tòm plai ù.”

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Yal Tơlik 8:8

Cau gơnrơh dơ̆ bàr uh kơlwòk, gen gơs dô nơm phan gơlơh be dô nơm mơnơm dờng gơs ồs sa kong sơrbì tòm dàlềng. Gen dô pơnah pe dàlềng gơlik gơs mhàm,

Yal Tơlik 8:9

dô pơnah pe phan kis tòm dàlềng chơt jơh, mơ dô pơnah pe ală ơhò kong tơnroh.

Yal Tơlik 8:10

Cau gơnrơh dơ̆ pe uh kơlwòk, gen gơs dô nơm sơmañ dờng dùh bơh đang trồ, gơ gơs ồs sa be dô nơm sơmpòl, mơ gơrung hơđang dô pơnah pe ală hiòng mơ ală croh dà.

Yal Tơlik 8:11

Sơmañ hơ̆ sơnđan la Chi Bơtang. Dô pơnah pe ală dà gơlik gơs bơtang, mơ gơs oă cau chơt tài bơh dà gơlik bơtang.

Yal Tơlik 8:12

Cau gơnrơh dơ̆ poan uh kơlwòk, gen dô pơnah pe mattơngai, dô pơnah pe mat kơnhai, dô pơnah pe ală sơmañ kong pòng pù, tồ dô pơnah pe ală bơta àng hơ̆ gơlik jơngo, mơ trồ ngai roh dô pơnah pe bơta àng, mơ trồ mang kung behơ̆ sơl.

Yal Tơlik 12:7

Mơ tai, hơđang trồ gơs dô bơta tòmlơh: Mikael mơ ală cau gơnrơh khai dê tòmlơh mơ nagrài, nagrài mơ ală cau gơnrơh gơ dê tòmlơh wơl.

Yal Tơlik 13:2

Phan poan jơng añ gŏ hơ̆ gơlơh be klìu sơmañ, jơng be jơng jơgơu, bơr be bơr klìu triă. Nagrài ai phan poan jơng hơ̆ in gơnap gơnoar, sơbàn mơ gơnoar dờng gơ dê.

Yal Tơlik 13:4

Bol khai duh khoai nagrài, tài bơh gơ neh ai phan poan jơng in gơnoar gơ dê; mơ bol khai kung duh khoai phan poan jơng hơ̆ sơl mơ đơs: “Ñcau ndròm be phan poan jơng taih? Ñcau rgơi tòmlơh mơ gơ taih?”

Yal Tơlik 16:13

Mơ añ gŏ pe nơm hwềng cà gơlơh rùp be kit mơ lik bơh di bơr nagrài, bơh di bơr phan poan jơng mơ bơh di bơr cau gơnoar hwơr ma blac.

Yal Tơlik 20:2

Khai kup nagrài, hơ̆ la bơs yau, la Cà ràk, la cà Satan, mơ kơt gơtòm dô rbô nam.