Yal Tơlik 11:4 - Sră Goh 2018

⁴ Bàr nă cau hơ̆ la bàr nơm chi Ôlibe mơ bàr nơm jơng ồs đèng ntào di đap Yàng plai ù dê.

Yal Tơlik 11:4 Referans Kwoze

Jeremi 11:16

Yàng Jehôwa neh sơnđan mê la ‘chi ôlibe tơlir, gơlik plai niam mơnĕ!’ Mơ do tòm bơta nggồr càl rbut dờng Kơnràñ chu gơ mơ ồs, mơ ală ntê gơ rơp gơkòl chu pơrguc.

Đơs Crih 52:8

Ai añ ò gơkrơi be chi Ôlibe tơlir niam tòm hìu Yàng Tom Trồ dê; Añ kơnòm di bơta kòñ gơboh kơ̆ dơn Yàng Tom Trồ dê jơl sùm sùm ò lồi.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Yal Tơlik 1:20

Ai bơta ndơp ndơr bơh poh nơm sơmañ mơ mê neh gŏ tòm tê ma Añ, mơ bơh poh nơm jơng ồs đèng mơ màh, gen poh nơm sơmañ la ală cau gơnrơh poh nơm Hìu Jum Goh dê, mơ poh nơm jơng ồs đèng la poh nơm Hìu Jum Goh.”

Rôma 11:17

Mơya dilah gơs bàr pe ntê neh gơkòl koh, mơ mê ngan la chi ôlibe brê, geh crap tòp digùl ală ntê hơ̆, nàng geh dô pơnah bal mơ bol khai tòm dà bơsơt mơ ryas chi ôlibe hơ̆ dê,

Luka 11:33

“Ò gơs cau lơi chu đèng mơ ơn tòm tiah ndơp hơđơm hìu, hala ơm hơđơm thùng, mơya ơn hơđang jơng đèng nàng cau lơi mut gen gŏ bơta àng.

Lik Ejiptơ 8:22

Mơya tòm ngai hơ̆, Añ rơp cah is lơgar Gôsen, la tiah làng bol Añ jê ơm, ò gơs dô mpồl rhài lơi tus tềng hơ̆, tồ mê in git Añ la Yàng Jehôwa, gơs mat tòm lơgar do

Mice 4:13

Ơ Kòn ùr Siôn, guh tĕ mơ pơrjòt tĕ! Bơh Añ rơp lơh ai in ală ngke mơ lòs, mơ ală nđias jơng mơ kòng; mơ ai rơp pòng bơcah lề lac oă làng bol. Ai rơp ơn phan bol khai tòmpìt geh Yàng Jehôwa in, ơn bơta pas sơm bol khai dê Yàng Jehôwa in la Yàng jơh dunnia dê.”

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Yal Wơl 10:8

Tòm tŭ hơ̆ Yàng Jehôwa ơn is jơi bơtiàn Lebi nàng tùng Đài Bơta Ho Bal Yàng Jehôwa dê, nàng ntào di đap Yàng Jehôwa duh broă mơ ai lơngai tòm sơnđan Kơnràñ dê kung be bol khai gam lơh jơl tus ngai do.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”