Yal Tơlik 11:3 - Sră Goh 2018

³ Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

Yal Tơlik 11:3 Referans Kwoze

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.

Yal Tơlik 13:5

Neh ai phan poan jơng in dô nơm bơr đơs ală jơnau pơnhừ să mơ tràl sơrbil di Yàng Tom Trồ, mơ gơ kung geh ai gơnoar at bồ tòm poan jơt bàr kơnhai.

Yal Wơl 19:15

Dô nă cau lơh cơng gen ò tơl nàng cahrña lơh nền glài dô nă cau gơkòl yă bơh dô nơm glài lơi hala dô bơta lơh tìs lơi mơ khai neh kòl. Dô bơta yă wơn pal geh cahrña lơh nền bơh jơnau lơh cơng bàr hala pe nă cau lơh cơng dê.

Broă 13:31

Tòm oă ngai, Kơnràñ neh tơlik să mơ ală cau jat Kơnràñ bơh Galile guh hơ Jerusalem, mơ tŭ do bol khai la cau lơh cơng bơh Kơnràñ làng bol Israel in.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Luka 24:48

Bol mê la ală cau lơh cơng bơh ală bơta hơ̆.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Sơnròp Gơlik Gơs 37:34

Khai crè ào di să he mơ ai ồi dur pùt gùt dar but khai, mơ moat jrùng ñìm rac jŏ ngai bơh kòn klau khai dê.

II Kôrintô 13:1

Do la dơ̆ pe mơ añ lòt tus hơ oh mi. “Jơh ală broă geh lơh nền jat be jơnau bàr pe nă cau lơh cơng.” Jat jơnau Sră Goh đơs.

Broă 2:32

Jesu do mơ Yàng Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆.

Jang 15:27

Bol mê kung rơp lơh cơng sơl, tài bơh bol mê neh ơm mơ Añ bơh sơnròp.”

Mathiơ 18:16

Mơ dilah khai ò iat, gen lam tĕ dô nă hala bàr nă cau lòt bal mơ mê, tồ jơnau bàr pe nă cau lơh cơng mơ kòp jơnau geh lơh nền.

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Sră Jop 16:15

Añ neh jing ƀào bài sơnò kiat nàng jơm gơltau añ, Añ ơn bơta pràn añ jê tòm kơmbuh ù.

I Yal Yau 21:16

Dabit tơnggòr sền mơ gŏ cau gơnrơh Yàng Jehôwa dê ntào digùl trồ mơ tiah, gơs dô nơm đào neh tă bơh di sơmprồm at tòm tê pò hơđang Jerusalem. Gen Dabit mơ ală cau kwang kra neh soh ƀào kiat tơmbic să blup mat tòm ù.

Khà Làng Bol 11:26

Bulah behơ̆, gơs bàr nă cau klau sơnđan la Eldat mơ Medat neh ơm wơl tòm sàl. Bol khai neh kòp bal mơ ală cau kwang kra mơya ò gŏ lòt tus hơ Sàl Tòm Mat. Bulah behơ̆, Hwềng neh ơm hơđang bol khai, mơ bol khai đơs hwơr tòm sàl.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Yal Wơl 17:6

Jat jơnau lơh cơng bàr hala pe nă cau dê gen sồng rgơi lơh glài tơnchơt dô nă cau, mơya bañ gơs cau lơi kong lơh glài tơnchơt tài bơh gơs mìng dô nă cau lơh cơng lơm.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

Jang 3:27

Jang ho lah: “Dilah ò di bơh đang trồ ai gen ò gơs cau lơi dòp geh bơta lơi.

II Samuel 3:31

Gen Dabit đơs mơ Jôap bal mơ jơh ală cau gơs mat tềng hơ̆ lah: “Crè tĕ ồi ào bol mê dê mơ soh ƀào sơnò kiat, mơ ñìm rac di đap Apner.” Mơ bơtau Dabit lòt jat bơh tơnơ̆ bòng ƀồc.

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

II Ală Bơtau 19:1

Tòm tŭ bơtau Ejekia kơno ală jơnau hơ̆, gen bơtau crè ồi ào mơ soh ào bài sơnò kiat, mut tòm hìu duh khoai Yàng Jehôwa dê.

Nehemi 9:1

Tòm ngai bàr jơt poan kơnhai hơ̆, làng bol Israel pơjum bal ơt sa soh ào ƀào, rsìh kơmbuh ù hơđang bồ bol khai dê.

Đơs Crih 69:11

Tòm tŭ añ ai bài sơnò kiat lơh gơs phan soh añ in, Gen añ gơlik gơs jơnau pơnđik bol khai in.

Jeremi 1:10

Sền tĕ, ngai do Añ neh bơtào mê hơđang ală làng bol, ală lơgar, Nàng mê dus mơ phà, tơnroh mơ lơh tơrlah, bơt bơtào mơ tam.”

Ejekiel 4:6

Tơnơ̆ mơ tŭ mê neh lơh sir bơta hơ̆ gen mê pal bic sơrkềng să đah ma mơ àñ ơnòng bơta lơh glài hìu Juda dê. Añ neh lơh nền mê in tòm poan jơt ngai, dô ngai ala dô nam.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 8:14

Khai ho wơl añ in lah: “Bàr rbô pe rhiang trồ mho mơ trồ àng drim: tơnơ̆ mơ hơ̆ tiah sàng goh rơp geh lơh sàng goh wơl.”

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Jôna 3:5

Làng bol Ninibe dòn Yàng Tom Trồ; bol khai yal tơnggit dô bơta ơt sa, mơ soh ƀào sơnò kiat, mơ jơh kòp nă cau, cau dờng mơ cau dềt.

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Luka 10:13

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, nggui tòm bùh mơ gơjrañ sang glài neh jŏ rau.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.