Yal Tơlik 11:2 - Sră Goh 2018

² Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.

Yal Tơlik 11:2 Referans Kwoze

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Yal Tơlik 22:19

Dilah cau lơi tă sang bơta lơi bơh ală jơnau tòm sră gơnoar hwơr do, gen Yàng Tom Trồ kung rơp tă sang pơnah khai dê bơh chi bơta kis mơ bơh ƀòn dờng sàng goh, la bơta neh cih tòm sră do.

Mathiơ 27:53

Tơnơ̆ tŭ Yàng Jesu kis wơl, gen bol hơ̆ mut tòm ƀòn dờng sàng goh mơ tơlik mat oă cau in gŏ.

Mathiơ 5:13

“Bol mê la boh ù dê, mơya dilah roh ƀă, gen ai ñchi nàng lơh gơ in bă wơl taih? Gơ ò diơng ngui tai, mìng sang hơ bơdìh mơ cau jă dê gơ.

Mathiơ 4:5

Gen cà ràk cèng Kơnràñ tus hơ ƀòn dờng sàng goh, ơn Kơnràñ hơđang bồ rkàng hìu duh khoai,

Daniel 8:10

Gơ gơlik pràn jơl tus di gơtòmlơh mơ mpồl hơđang trồ, tơndùh tòm tiah dô pơnah tòm ală sơmañ hơđang trồ, mơ gơ jă hơđang.

Ejekiel 42:20

Behơ̆ khai was tiah hơ̆ jơh poan đah dơrñang gùt dar hìu duh khoai, đah jòng bàr rhiang pram jơt met, đah ơnàng bàr rhiang pram jơt met. Dơrñang do lòi nàng cah is tiah sàng goh mơ tiah òs.

Yal Tơlik 11:11

Tơnơ̆ mơ pe ngai mơ gùl, gơs nhơm kis bơh Yàng Tom Trồ mut tòm bol khai; gen bol khai ñă ntào, mơ ală cau gŏ bol khai gen rngòt rngơt ngan.

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

Daniel 7:19

Gen añ kòñ git jơnau gơtha song ngan bơh phan poan jơng dơ̆ poan la phan poan jơng krơi is mơ jơh ală phan poan jơng ne, jàñ bơsak ngan, sề mơ lòs, nđias mơ kòng, jak crè sa, jan bơcah, mơ jă tơnlề phan lơi gam wơl tòm tiah mpàng jơng gơ dê.

Ñìm Rac 1:10

Cau sò tơm neh pò tê bol khai dê hơđang ală phan kas màng khai dê; tian gơs khai neh gŏ ală làng bol phà tơnroh tiah sàng goh khai dê. La làng bol Kơnràñ neh bơkơ̆u ò geh mut tòm mpồl jơnum Kơnràñ dê.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Khà Làng Bol 14:34

Tòm poan jơt nam, dô nam ala dô ngai, tòm poan jơt ngai bol mê lòt rwang sền lơgar; bol mê rơp kong bòl glar tài bơh tồi glài bol mê dê mơ git bơta Añ tòmdră mơ bol mê la mbe lơi.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Ejekiel 4:6

Tơnơ̆ mơ tŭ mê neh lơh sir bơta hơ̆ gen mê pal bic sơrkềng să đah ma mơ àñ ơnòng bơta lơh glài hìu Juda dê. Añ neh lơh nền mê in tòm poan jơt ngai, dô ngai ala dô nam.

Daniel 8:13

Gen añ kơno dô bơtau sàng goh đơs, mơ dô bơtau sàng goh ndai đơs mơ bơtau ơm đơs hơ̆ lah: “Gam nđò jŏ sồng gơlik di ngan bơta gơtơnggŏ bơh phan ơn duh khoai kòp ngai, bơh tồi glài tòmdră lơh gơlik gơs bơta tơnroh, mơ bơh bơta sang phi tiah sàng goh bal mơ mpồl hơđang trồ tồ gơkòl jă trơm hơđơm jơng taih?”

Daniel 8:14

Khai ho wơl añ in lah: “Bàr rbô pe rhiang trồ mho mơ trồ àng drim: tơnơ̆ mơ hơ̆ tiah sàng goh rơp geh lơh sàng goh wơl.”

Yal Tơlik 21:10

Añ gơs rngoh rngac bơh Yàng Hwềng, mơ cau gơnrơh cèng añ tus hơ dô nơm mơnơm dờng mơ jơnhoa, sơnio añ in gŏ ƀòn dờng sàng goh la Jerusalem mù bơh đang trồ bơh dê Yàng Tom Trồ.