Yal Tơlik 11:10 - Sră Goh 2018

¹⁰ Ală cau ơm tòm plai ù rơp hòn chò mơ pơjum ñô sa chò hòp bơh bàr nă bol khai, mơ ai gòi phan bal mơ gơp, tài bơh bàr nă cau gơnoar hwơr hơ̆ la dô bơta jê sồt bòl glar ală cau in ơm tòm plai ù.

Yal Tơlik 11:10 Referans Kwoze

I Ală Bơtau 18:17

Tòm tŭ Ahap gŏ Eli, gen khai đơs lah: “Hơ̆ la mê, cau lơh sơlồng sơlàng Israel sơl?”

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.

Broă 5:33

Tŭ bol khai kơno ală jơnau hơ̆ gen tơk òl gơhào nùs, mơ bơyai kòñ tơnchơt ală cau gơnoar bơto dờng.

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Mice 7:8

Ơ cau sò tơm di añ, bañ hòn chò bơh añ; tòm tŭ añ gơpừ, añ rơp guh wơl. Tòm tŭ añ nggui tòm tiah klam jơngo, Yàng Jehôwa rơp la bơta àng añ jê.

I Ală Bơtau 22:8

Bơtau Israel ho mơ Jôsaphat lah: “Gam gơs dô nă cau, nàng bơh khai bol he rgơi lùp Yàng Jehôwa, hơ̆ la Mice, kòn klau Jimla dê; mơya añ gơjrañ di khai, bơh khai ò tŭ lơi đơs hwơr niam bơh añ, mơ mìng la rung rài lơm.” Jôsaphat đơs lah: “Dan bơtau bañ đơs behơ̆.”

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

I Kôrintô 13:6

ò hòn chò bơh bơta ò song ring, mơya hòn chò bơh jơnau song.

Jang 16:20

Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Jơnau Pơnđik 24:17

Bañ hòn chò tòm tŭ cau sò tơm kòn gơplơ̆; bañ lòi nùs bol mê chò hòp tòm tŭ gơtup pừ;

Đơs Crih 89:42

Yàng neh yò tê ma cau sòdră di khai, Lơh hòn chò ală cau sò tơm di khai.

Đơs Crih 13:4

Rngòt cau sò tơm di añ đơs lah: “Añ neh pha rlau mơ khai.” Mơ ală cau sòdră di añ hòn chò tòm tŭ añ wañ lơnggơh.

I Ală Bơtau 22:18

Bơtau Israel đơs mơ Jôsaphat lah: “Añ ò di neh đơs mơ bơtau lah khai ò đơs hwơr niam bơh añ, mơ mìng la bơta rung rài lơm ò ơ?”

I Ală Bơtau 21:20

Ahap đơs mơ Eli lah: “Ơ cau sò tơm, mê neh tìp añ ơ?” Eli ho lah: “Añ neh tìp bơtau, tài bơh bơtau neh tac să he nàng lơh bơta iơh di đap Yàng Jehôwa.”

Yal Tơlik 16:10

Cau gơnrơh dơ̆ pram tuh mơngàn khai dê hơđang sơbàn phan poan jơng dê, gen lơgar gơ dê gơlik gơs klam jơngo, mơ ală cau kap lơmpiat he bơh bơta jê sồt

Yal Tơlik 12:13

Dơ̆ nagrài gŏ gơ neh kòl sơrbì tòm plai ù, gen gơ ting jat cau ùr neh deh kòn klau.

Apdia 1:12

Di pal ngan mê ò di chò hòp di oh mi mê dê, tòm ngai rung rài khai dê; kung ò di chò hòp bơh làng bol Juda tòm ngai tơnroh bol khai dê, kung ò di jòng să oă ir tòm ngai bòl glar bol khai dê.

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Đơs Crih 35:19

Dan bañ ai ală cau tòmsò ò bồ di añ, mơ hòn chò tài bơh añ, Kung bañ ai ală cau gơjrañ kơuềng ò bồ di añ gơs mat sền òsơp di añ.