Yal Tơlik 11:1 - Sră Goh 2018

¹ Gơs cau ai añ in dô nơm gai jra gơlơh be dô nơm gai rnoas mơ đơs lah: “Ntào tĕ, mơ was hìu duh khoai Yàng Tom Trồ dê, cơnòng guh khoai, mơ ală cau duh khoai tềng hơ̆.

Yal Tơlik 11:1 Referans Kwoze

Yal Tơlik 21:15

Cau gơnrơh ơm đơs mơ añ, khai at dê tê dô nơm gai rnoas mơ màh nàng was ƀòn dờng, ală mpồng dờng mơ dơrñang gơ dê sơl.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Khà Làng Bol 33:18

Bol khai lik lòt bơh di Hajerôt mơ bơtào sàl ơm tòm Ritma.

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Yal Tơlik 10:11

Mơ gơs jơnau đơs mơ añ lah: “Dô dơ̆ tai mê pal đơs hwơr bơh oă làng bol, oă lơgar, oă jơnau đơs mơ oă cau bơtau sơl.”