Yal Tơlik 10:4 - Sră Goh 2018

⁴ Dơ̆ poh nơm kơnàs ntơr rau gen añ kòñ cih, mơya añ kơno dô jơnau bơh đang trồ đơs lah: “Til tĕ ală jơnau poh nơm kơnàs neh đơs, mơ bañ cih.”

Yal Tơlik 10:4 Referans Kwoze

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Daniel 8:26

Bơta gơtơnggŏ bơh ală trồ mho mơ ală trồ àng drim neh yal mê in hơ̆ la ngan. Mơya til tĕ bơta gơtơnggŏ do tài bơh gơ tơrgòm ală bơta gam jŏ jòng sồng tus.”

Daniel 12:9

Khai ho lah: “Ơ Daniel, lơh tĕ broă tòm mê dê; tài bơh ală jơnau do neh prap lòi mơ tap ƀang kì rau jơl tus di tŭ tơngai lồi dut.

Yal Tơlik 22:10

Khai đơs tai mơ añ lah: “Bañ til ală jơnau gơnoar hwơr tòm sră do, bơh tŭ tơngai neh rềp rau.

Yal Wơl 29:29

Ală bơta ndơp ndơr gơrê bal mơ Jehôwa Yàng Tom Trồ bol he dê, mơya ală bơta neh ràng tơlik gơrê bal mơ bol he mơ kòn sau bol he dê gam sùm sùm, tồ bol he lơh jat jơh ală jơnau neh cih tòm bơta boh lam do.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Esai 29:11

Gơwèt mơ mê gen jơh dô bơta gơtơnggŏ do mìng la ală jơnau tòm dô pang sră pồt neh tap ƀang kì. Dilah sră pồt do ai dô nă cau rgơi sền sră in mơ sồr khai lah: “Dan sền tĕ sră do,” cau hơ̆ rơp ho lah: “Añ ò rgơi sền, sră neh tap ƀang kì rau.”

Esai 8:16

Mê kơt tĕ jơnau lơh cơng do mơ tap ƀang kì bơta bơto do digùl ală cau bơtê Añ jê.

Esai 8:1

Yàng Jehôwa đơs mơ añ lah: “Ai tĕ dô nơm mpàn dờng, mơ cih hơđang hơ̆ mơ jơnau cih kòn mơnus dê lah: ‘Maher Salal Hasbas.’”

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.

Yal Tơlik 10:8

Jơnau đơs mơ añ neh kơno bơh đang trồ, đơs tai mơ añ lah: “Lòt tĕ, ai sră pồt neh pò tòm tê cau gơnrơh ntào hơđang dàlềng mơ hơđang ù.”