Yal Tơlik 1:8 - Sră Goh 2018

⁸ Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 1:8 Referans Kwoze

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Yal Tơlik 22:13

Añ la Alpha mơ Ômega, Bơtau bồ dà mơ lồi tơnơ̆, Bơtau sơnròp mơ lồi dut.”

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Esai 48:12

Ơ Jakôp, ơ Israel la cau Añ neh hòi, iat tĕ Añ: “Añ la Bơtau hơ̆; Añ la Bơtau sơnròp mơ la Bơtau lồi dut.

Yal Tơlik 21:6

Kơnràñ đơs tai mơ añ lah: “Sir rau. Añ la Alpha mơ Ômega, Bơtau sơnròp mơ lồi dut. Cau lơi tơhìr, gen Añ rơp ai dà hùc be phan pà gòi bơh croh dà bơta kis.

Esai 41:4

Ñcau neh lơh gơs mơ lơh sir ală bơta do, hòi ală rài bơh tŭ sơnròp taih? Añ, la Yàng Jehôwa, Añ Bơtau Sơnròp mơ Lồi Dut.

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,

Yal Tơlik 11:17

mơ đơs lah: “Ơ Yàng la Yàng Tom Trồ, bơtau Gơnoar Dờng Làm Jơh, Kơnràñ Gam Gơs mơ Neh Gơs, bol hi ưnngài Kơnràñ, tài bơh Kơnràñ neh ai gơnap gơnoar dờng Kơnràñ dê mơ neh sơntòm at bồ.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Sơnròp Gơlik Gơs 49:25

Yàng Tom Trồ bèp mê dê rơp dong mê; Bơtau Gơnap Gơnoar Làm Jơh rơp ai lơngai mê in; Hơ̆ la bơta lơngai bơh hơđang trồ mù, Mơ la bơta lơngai guh bơh cìr jrô hơđơm, Bơta lơngai ală toh mè dê, mơ hìu kòn dê.

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 16:14

Bol gơ la hwềng ală cà dê, lơh ală tềl krơi, lik lòt tus hơ ală cau bơtau tòm làm jơh dunnia, nàng pơjum bol khai tòm bơta kơlìn tòm ngai dờng Yàng Tom Trồ dê, la Bơtau Gơnoar Dờng Làm Jơh.

Yal Tơlik 21:22

Tòm ƀòn dờng hơ̆ añ ò gŏ hìu duh khoai lơi, bơh Yàng la Yàng Tom Trồ, Bơtau Gơnoar Dờng Làm Jơh, mơ Belàt Kòn la hìu duh khoai ƀòn hơ̆ dê.

Lik Ejiptơ 6:3

Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar Dờng; mơya bơh sơnđan Añ la Jehôwa gen Añ òhềt yal tơlik bol khai in git.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Khà Làng Bol 24:4

jơnau đơs hwơr dô nă cau neh kơno ală jơnau đơs Yàng Tom Trồ dê, la cau neh gŏ bơta gơtơnggŏ bơh di Bơtau Gơnoar Dờng Làm Jơh, la cau neh tơmbic să cùn khoai, mơ mat khai dê neh geh pò.

Sơnròp Gơlik Gơs 43:14

Hòi dan Yàng Tom Trồ Gơnap Gơnoar Làm Jơh ai bơta nđàc bol mê in di đap khai, mơ toh Simeôn mơ Benjamin bol mê in. Mơ đah mơ añ, dilah roh kòn, gen añ pal kong behơ̆.”

Sơnròp Gơlik Gơs 48:3

Jakôp đơs mơ Jôsep lah: “Yàng Tom Trồ Gơnap Gơnoar Làm Jơh neh tơlik mat mơ ai lơngai añ in tòm Lus, lơgar Kanaan,

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Yal Tơlik 16:7

Mơ añ kơno cơnòng duh khoai đơs lah: “Ngan, khoai Yàng la Yàng Tom Trồ, Bơtau Gơnoar Dờng Làm Jơh, Ală bơta cahrña Kơnràñ dê la song ngan mơ song ring.”

Yal Tơlik 19:6

Chòp añ kơno jơnau gơlơh be jơnau dô mpồl bol oă, be jơnau oă dà hòr, mơ be jơnau ntơr kơnàs dờng, đơs lah: “Haleluya! Bơh Yàng la Yàng Tom Trồ bol he dê, la Bơtau Gơnoar Dờng Làm jơh, gơs gơnoar at bồ.