Yal Tơlik 1:6 - Sră Goh 2018

⁶ mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 1:6 Referans Kwoze

Yal Tơlik 5:10

Mơ Kơnràñ neh lơh ală cau hơ̆ in gơlik gơs lơgar bơtau dê mơ cau gơnoar ơn phan duh khoai Yàng Tom Trồ bol he dê; mơ bol khai rơp at bồ tòm plai ù.”

Yal Tơlik 20:6

Lơngai mơ sàng goh cau lơi in geh pơnah tòm bơta kis wơl dơ̆ sơnròp! Bơta chơt dơ̆ bàr ò gơs gơnoar hơđang bol khai, mơya bol khai rơp lơh gơs cau gơnoar ơn phan duh khoai Yàng Tom Trồ mơ Bơtau Krist dê, mơ bol khai rơp at bồ bal mơ Kơnràñ tòm dô rbô nam.

Lik Ejiptơ 19:6

mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Rôma 11:36

Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

Jude 1:25

hơ̆ la Yàng Tom Trồ mìng dùl lơm mơ la Yàng Jesu la Yàng Dong Klàs bol he dê; dan bơta gơklŏ, bơta ryŭ ryơm, gơnoar pràn mơ gơnap gơnoar gơrê bal mơ Kơnràñ bơh ală rài lài, tus di tŭ do, jơl tus sùm sùm. Amen.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Philip 2:11

mơ kòp nơm lơmpiat rơp yal tơlik Jesu Krist la Yàng nàng lơh gơklŏ Yàng Tom Trồ la Bèp.

Rôma 15:6

tồ oh mi ai dô nùs dô bơr bal nàng jòng ro Yàng Tom Trồ, la Bèp Yàng Jesu Krist bol he dê.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

I Pier 5:11

Dan gơnap gơnoar gơrê bal mơ Kơnràñ sùm sùm ò lồi! Amen.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.