Yal Tơlik 1:18 - Sră Goh 2018

¹⁸ Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 1:18 Referans Kwoze

Rôma 6:9

bơh git lah Bơtau Krist neh kis wơl bơh bơta chơt, gen ò gơs tŭ lơi chơt tai, bơta chơt ò geh at bồ hơđang Kơnràñ tai ò.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Đơs Crih 68:20

Yàng Tom Trồ bol hi dê la Yàng Tom Trồ dong klàs bol hi, kơnòm di Jehôwa Yàng Tom Trồ mơ jơi kòn mơnus pleh klàs bơh di bơta chơt.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Esai 22:22

Añ rơp ơn hơđang pơnì khai kai mpồng hìu Dabit dê; khai rơp pò mơ ò gơs cau lơi rgơi til, khai rơp til gen ò gơs cau lơi rgơi pò.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Mathiơ 16:19

Añ rơp jào mê in kai mpồng lơgar đang trồ. Bơta lơi mê kơt tòm ù gen kung rơp kơt hơđang trồ sơl, mơ bơta lơi mê hồ tòm ù gen kung rơp geh hồ hơđang trồ sơl.”

Yal Tơlik 20:14

Gen bơta chơt mơ lơgar làng ƀồc kong sơrbì tòm brong ồs. Brong ồs la bơta chơt dơ̆ bàr.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Yal Tơlik 4:9

Mơ kòp dơ̆ ală phan wìn kis ai bơta gơklŏ, bơta ryŭ ryơm, bơta ưnngài nàng ơn Bơtau in ơm nggui hơđang sơbàn, la Bơtau kis gam sùm sùm ò lồi,

Hebrơ 7:16

mơ gơlik gơs cau gơnoar ơn phan duh khoai, ò jat jơnau gơnoar sồr bơta boh lam dê bơh jơi kòn mơnus, mơya jat gơnap gơnoar bơta kis ò gơs lồi.

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

Sră Jop 19:25

Bơh añ git Bơtau dong tơwài añ la Bơtau kis, Tus di lồi dut Kơnràñ rơp ntào hơđang ù.

Yal Tơlik 9:1

Cau gơnrơh dơ̆ pram uh kơlwòk, gen añ gŏ dô nơm sơmañ bơh đang trồ neh rung di plai ù, mơ neh ai gơ in kai mpồng brong jrô hùt hung dê.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Kôlôse 3:3

Bơh oh mi neh chơt, bơta kis oh mi dê neh pồn bal mơ Bơtau Krist tòm Yàng Tom Trồ.

Đơs Crih 18:46

Yàng Jehôwa gam kis sùm; Pơnai Lŭ pal geh jòng ro añ jê. Dan Yàng Tom Trồ bơta dong klàs añ jê geh yò tơngguh.

Yal Tơlik 5:14

Mơ poan nơm phan wìn kis ho wơl lah: “Amen.” Mơ ală cau Kwang kra tơmbic să mơ duh khoai.

I Samuel 2:6

Yàng Jehôwa tơnchơt mơ hòi kis wơl; Kơnràñ cèng tơmù tòm bơtô ƀồc mơ cèng tơngguh wơl.

Sră Jop 38:17

Ală mpồng dờng bơta chơt dê neh yal tơlik mê in sơl? Mê neh gŏ ală mpồng dờng bơta klam jơngo cik dê sơl?

Mathiơ 11:23

Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar làng ƀồc! Bơh ală broă gơnap gơnoar neh lơh digùl mê, dilah lơh tòm Sôdôm, gen ƀòn hơ̆ gam wơl tus ngai do.

Luka 24:5

Bol khai nrơt rngòt ngan, drup mat di ù, gen bàr nă cau hơ̆ đơs mơ bol khai lah: “Ñchi bơh tài bol ai jòi cau kis digùl cau chơt taih?

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

Yal Tơlik 6:8

Mơ añ gŏ, ne, gơs dô nơm ơseh pàl pàl. Cau hào ơseh hơ̆ sơnđan la Bơta chơt, mơ Lơgar Làng ƀồc jat bơh tơnơ̆ khai. Neh ai bol khai in geh gơnoar tơnchơt dô pơnah poan tòm plai ù, la tơnchơt mơ đào, mơ jơgloh rung, mơ pluh plàng mơ ală phan poan jơng jàñ bơsak tòm plai ù.

Yal Tơlik 10:6

sơnio Bơtau kis gam sùm sùm ò lồi, la Bơtau neh crơng gơs trồ mơ ală phan hơđang trồ, crơng gơs ù mơ ală phan tòm ù, crơng gơs dàlềng mơ ală phan tòm dàlềng. Mơ khai srat să lah ò gơs tŭ lơi gơn tai,

Yal Tơlik 15:7

Dô nơm tòm poan nơm phan wìn kis tong poh nă cau gơnrơh in poh nơm mơngàn mơ màh ơn bềng bơta gơjrañ dờng Yàng Tom Trồ dê, la Bơtau kis sùm sùm ò lồi.

Yal Tơlik 20:13

Dàlềng jào wơl ală cau neh chơt tòm gơ, bơta chơt mơ lơgar làng ƀồc kung jào wơl ală cau chơt tòm bol gơ, jơh ală bol khai kong cahrña jat be ală broă bol khai neh lơh.