Yal Tơlik 1:12 - Sră Goh 2018

¹² Añ wơlke nàng sền ñcau đơs mơ añ hơ̆, mơ dơ̆ añ wơlke añ gŏ poh nơm jơng ồs đèng mơ màh,

Yal Tơlik 1:12 Referans Kwoze

Sacari 4:2

Khai lùp añ lah: “Ñchi mê gŏ taih?” Añ ho lah: “Añ gŏ dô nơm jơng đèng mơ màh lơm, gơs dô nơm gri hơđang bồ gơ dê mơ gơs poh nơm lơmpiat ồs hơđang gơ, gơs poh nơm ding di ală lơmpiat ồs.

Lik Ejiptơ 25:37

Gen lơh tĕ poh nơm đèng ơn di bồ gơ nàng gơ pơnđàng sòl tòm pah wah di đap gơ.

Yal Tơlik 1:20

Ai bơta ndơp ndơr bơh poh nơm sơmañ mơ mê neh gŏ tòm tê ma Añ, mơ bơh poh nơm jơng ồs đèng mơ màh, gen poh nơm sơmañ la ală cau gơnrơh poh nơm Hìu Jum Goh dê, mơ poh nơm jơng ồs đèng la poh nơm Hìu Jum Goh.”

Yal Tơlik 1:13

mơ digùl ală jơng ồs đèng hơ̆ gơs dô Bơtau gơlơh be Kòn Mơnus, soh ào jrùh tus di mpàng jơng, mơ kơt che màh gùt dar ntơh.

Mice 6:9

Ơm iat tĕ! Jơnau Yàng Jehôwa hòi driau tòm ƀòn dờng, hơ̆ la cau jak chài pal duh rngòt dê sơnđan Kơnràñ. Ơ jơi bơtiàn mơ mpồl jơnum ơm tòm ƀòn dờng!

Lik Ejiptơ 37:23

Bol khai lơh poh nơm ồs đèng gơ dê, ală kơtrơi koh che brài ồs đèng bal mơ phan ngui ơn bùh gơ dê mơ màh ngan.

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.

Yal Tơlik 2:1

“Cih tĕ cau gơnrơh Hìu Jum Goh Ephesô in lah: Do la ală jơnau đơs Bơtau at poh nơm sơmañ tòm tê ma mơ lòt digùl poh nơm jơng ồs đèng mơ màh

Yal Tơlik 4:1

Tơnơ̆ mơ hơ̆ añ sền gŏ, ne, dô nơm mpồng pò hơđang trồ, mơ jơnau añ neh kơno bơh sơnròp đơs mơ añ be ntas kơlwòk, jơnau hơ̆ đơs mơ añ lah: “Guh tĕ hơ do, Añ rơp sơnio mê in ală bơta pal gơlik tus tơnơ̆.”