Sră Pơyoa Pol Dê Pơyoa Tit In 2:13 - Sră Goh 2018

¹³ tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

Sră Pơyoa Pol Dê Pơyoa Tit In 2:13 Referans Kwoze

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

I Kôrintô 1:7

nàng oh mi ò siơ̆u dô bơta ai gòi lơi đah hwềng, tòm tŭ kơp gơn bơta tơlik mat Yàng Jesu Krist bol he dê.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

Jơnau Niam Jat Mak 14:62

Yàng Jesu ho lah: “Añ la cau hơ̆. Ală ồng rơp gŏ Kòn Mơnus nggui đah ma Bơtau Gơnap Gơnoar dê, ơm tòm mhwal trồ mơ tus.”

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

II Timôthe 4:1

Di đap Yàng Tom Trồ mơ di đap Yàng Krist Jesu la Bơtau rơp cahrña cau kis mơ cau chơt, añ bơh bơta tơlik mat Kơnràñ dê mơ bơh lơgar Kơnràñ dê mơ bơto kràñ cê mê in lah:

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Broă 24:15

Añ gơs bơta gơn kơnòm di Yàng Tom Trồ kung be bol khai gơs sơl, hơ̆ la rơp gơs bơta kis wơl cau song ring mơ cau ò song ring dê.

Jơnau Niam Jat Mak 8:38

Dilah cau lơi ƀàssìl bơh Añ mơ jơnau Añ jê digùl jơi bơtiàn rềs àr bơrnàn do, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus wơl tòm bơta gơklŏ Bèp Kơnràñ dê bal mơ ală cau gơnrơh sàng goh.”

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Sră Pơyoa Pol Dê Pơyoa Tit In 3:4

Mơya tus di tŭ nùs kơ̆ dơn Yàng Tom Trồ dê la Yàng Dong Klàs bol he dê mơ bơta kòñ gơboh Kơnràñ dê gơwèt mơ kòn mơnus neh geh ràng tơlik rau, gen Kơnràñ dong klàs bol he,

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

Kôlôse 1:5

tài bơh bơta gơn kơnòm prap lòi oh mi in hơđang trồ, la bơta lài òr oh mi neh kơno bơh jơnau song Jơnau Niam dê.

Mathiơ 26:64

Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Rôma 8:18

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

II Timôthe 1:2

Pơyoa Timôthe in la kòn kòñ gơboh añ jê: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê.

Sră Pơyoa Pol Dê Pơyoa Tit In 1:4

Añ pơyoa Tit in, la kòn tòm añ jê tòm bơta dòn bal: Dan mê in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng Dong Klàs bol he dê.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.