Rutơ 2:7 - Sră Goh 2018

⁷ Khai neh đơs mơ bol hi lah: ‘Dan ai añ in dòñ kòi rung bơh digùl ală cap kòi đah ngkòi ală cau toès.’ Khai tus tòm sre mơ lơh broă ò dơh bơh àng drim tus di tŭ do, ò rlô dô êt lơi.”

Rutơ 2:7 Referans Kwoze

Jơnau Pơnđik 22:29

Kòn gŏ gơs cau lơi ngac ngar tòm broă lơh he dê sơl? Cau hơ̆ ngan rơp duh broă ală cau bơtau, mơ ò di duh broă cau làng òs.

Jơnau Pơnđik 18:23

Cau rƀah ngui jơnau lùp dan; Ai cau pas ho wơl dô bă sràt bơtang.

Jơnau Pơnđik 15:33

Bơta duh rngòt Yàng Jehôwa bơto sồr bơta jak chài; Mơ bơta pơndêt să lòt lài mơ bơta ki ngàm.

Jơnau Pơnđik 13:4

Nùs cau lơh alah kơp kòñ mơ ò geh phan lơi; Ai nùs cau tơryang tơryồng geh lìu làc phan ngui sa.

Ephesô 5:21

Duh rngòt tĕ di Bơtau Krist mơ dòn duh bal mơ gơp.

Cau Bơto 9:10

Jơh ală broă tê mê jòi nàng lơh, lơh tĕ dô bă jơh pràn mê dê; bơh tòm lơgar làng ƀồc, la tiah mê lòt tus, ò gơs broă lơh, ò gơs kơlôi sơnơng, ò gơs bơta git wă hala bơta jak chài.

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

Rôma 12:11

Tơryang tơryồng tĕ, bañ lơh alah: Tòm nùs ngac ngar tĕ, duh tĕ broă Yàng.

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Rutơ 2:2

Rutơ cau Môap đơs mơ Naômi lah: “Dan ai añ in lòt tòm sre nàng dòñ ală sơnyùr kòi, bơh ngkòi cau lơi gơs nùs nđàc di añ.” Naômi đơs mơ khai lah: “Lòt tĕ! Ơ kòn ùr añ jê.”

Rutơ 2:6

Cau at bồ cau toès ho lah: “Khai la cau Môap neh rê bal mơ Naômi bơh lơgar Môap.

Rutơ 2:8

Behơ̆ Bôô đơs mơ Rutơ lah: “Ơ kòn ùr añ jê, iat tĕ añ. Bañ lòt dòñ kòi tòm dô nơm sre ndai mơ bañ lik bơh sre do, mơya kư̆ ơm tĕ rềp bal mơ ală dĭ ùr añ jê.

Rutơ 2:21

Gen Rutơ cau Môap đơs lah: “Khai kung đơs mơ añ lah: ‘Ơm tĕ bal mơ ală cau lơh broă añ jơl tus di tŭ bol khai toès jơh kòi añ jê.’”