Rutơ 1:15 - Sră Goh 2018

¹⁵ Naômi đơs mơ Rutơ lah: “Ne, bi ai neh rê hơ làng bol mơ hơ ală yàng khai dê. Ai rê tĕ jat khai.”

Rutơ 1:15 Referans Kwoze

Ală Kwang Cahrña 11:24

Ngan ò di bol mê neh dòp ù tiah bơh Kemôs yàng mê dê neh ai bol mê in ò ơ? Ngan ò di bol hi la ală cau pal dòp ală phan mơ Jehôwa Yàng Tom Trồ ai bol hi in ò ơ?

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

II Ală Bơtau 2:2

Eli đơs mơ Elise lah: “Ơm tĕ tềng do; bơh Yàng Jehôwa sồr añ lòt tus hơ Betel.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ ò tŭ lơi lik lòt bơh ồng.” Behơ̆, bol khai lòt tus hơ Betel.

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

Hebrơ 10:38

Cau song ring añ jê rơp kis bơh bơta dòn, Dilah ruc wơl, gen hwềng soàn añ ò chò hòp bơh khai dô êt lơi.”

Luka 24:28

Dơ̆ mòr tus hơ ƀòn bol khai kòñ lòt, gen Kơnràñ lơh be kòñ lòt tai,

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Jôsue 24:19

Jôsue đơs mơ làng bol lah: “Bol mê ò rgơi duh broă Yàng Jehôwa. Kơnràñ la Yàng Tom Trồ sàng goh; Kơnràñ la Yàng Tom Trồ gơjrañ di rùp ràk. Kơnràñ rơp ò toh bơta lơh tìs mơ bơta tồi glài bol mê dê.

Rutơ 1:14

Behơ̆ bol khai ñìm tai. Orpa cum tơngac po me khai mơ lòt, mơya Rutơ kư̆ ơm bal mơ po me khai dê.

Rutơ 1:16

Mơya Rutơ ho lah: “Bañ bơklơn añ sang lòi mè hala wơlke ò jat mè. Mè lòt tiah lơi añ rơp lòt tiah hơ̆, mè ơm tiah lơi añ rơp ơm tềng hơ̆. Làng bol mè dê rơp la làng bol añ jê, mơ Yàng Tom Trồ mè dê la Yàng Tom Trồ añ jê.

Khà Làng Bol 10:30

Khai ho wơl lah: “Ò, añ rơp ò lòt; añ rơp rê wơl hơ lơgar tòm mơ làng bol tòm añ jê.”