Rôma 4:6 - Sră Goh 2018

⁶ Tài bơh hơ̆ Dabit neh đơs bơh bơta lơngai cau mơ Yàng Tom Trồ neh kòp la song ring khai in ò di bơh broă lơh lah:

Rôma 4:6 Referans Kwoze

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Đơs Crih 112:1

Jòng ro Yàng Jehôwa! Lơngai cau lơi in duh rngòt di Yàng Jehôwa, Mơ cau lơi gơboh oă ngan bơta sồr lam Kơnràñ dê!

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Galati 4:15

Oh mi hòn chò oă ngan! Ñchi bơta neh gơlik gơs taih? Bơh añ lơh cơng lah dilah rgơi gen oh mi kung klĕ gar mat oh mi dê mơ ai añ in sơl.

Rôma 4:24

mơya kung bơh bol he la cau rơp geh kòp behơ̆ sơl, la cau dòn di Bơtau neh lơh Yàng Jesu in, la Yàng bol he dê, kis wơl bơh bơta chơt.

Rôma 4:9

Behơ̆, bơta lơngai hơ̆ mìng ai cau kong siat gơltau in hala kung ai cau ò kong siat gơltau in sơl ơ? Bơh bol he đơs lah bơta dòn Abraham dê geh Yàng Tom Trồ kòp la song ring khai in.

Rôma 3:27

Behơ̆ gen bơta jòng să he bơh bơta lơi taih? Ò gơs. Bơh bơta boh lam lơi taih? Bơta boh lam broă lơh dê ơ? Ò di, mơya bơh bơta dòn.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Jeremi 33:16

Tòm ală ngai hơ̆, Juda rơp geh dong klàs; Jerusalem rơp ơm lơngap lơngai; gơ geh sơnđan lah: “Yàng Jehôwa, bơta song ring bol he dê.”’

Jeremi 22:6

Do la jơnau Yàng Jehôwa đơs bơh gơlang bơtau Juda dê: ‘Añ sền mê kung be Galaat, Kung be bồ mơnơm Liban, Mơya Añ srat să lah Añ rơp lơh mê in gơlik gơs ƀlàng bràs, gơlik gơs dô nơm ƀòn dờng ò gơs cau ơm.

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

Mathiơ 25:19

Tòm jŏ tơngai, cau tòm ală cau dĭ hơ̆ rê wơl ting khà priă mơ bol khai.

Rôma 4:5

ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 4:7

“Lơngai cau lơi in geh toh bơta tìs glài, Mơ tồi glài geh jơm ndơp.

Jakơ 2:18

Mơya cau ƀà rơp đơs: “Mê gơs bơta dòn, ai añ gơs broă lơh.” Sơnio tĕ añ in bơta dòn ò gơs broă lơh mê dê, gen añ rơp sơnio mê in bơta dòn bơh broă lơh añ jê.