Rôma 4:1 - Sră Goh 2018

¹ Behơ̆, bol he rơp đơs bơh Abraham, ồng pàng bol he jat poac să, ñchi khai neh git làm taih?

Rôma 4:1 Referans Kwoze

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Rôma 4:16

Behơ̆ tàng, bơh bơta dòn mơ jơnau ho pơgon bơh bơta nđàc, geh kơ̆ nền jơh jơi bơtiàn Abraham in, ò di ai mìng jơi bơtiàn ơm hơđơm gơnoar bơta boh lam lơm, mơ kung ai jơi bơtiàn gơs bơta dòn Abraham in sơl, la ồng pàng đah hwềng jơh ală bol he dê,

II Kôrintô 11:22

Bol khai la cau Hebrơ ơ? Añ kung behơ̆. Bol khai la cau Israel ơ? Añ kung behơ̆. Bol khai la jơi bơtiàn Abraham dê ơ? Añ kung behơ̆ sơl.

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Jang 8:56

Bèp bol mê la Abraham hòn chò kơp kòñ geh gŏ ngai Añ jê; khai neh gŏ mơ hòn chò.”

Rôma 7:7

Behơ̆ mbe bol he kòñ đơs tiah? Bơta boh lam la tồi glài ơ? Ò di behơ̆! Mơya tài bơh bơta boh lam tàng añ git tồi glài, bơh dilah bơta boh lam ò đơs lah: “Mê bañ hàm hà,” gen añ ò git bơta hàm hà la ñchi.

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Jang 8:53

Ngan sơl Cau Bơto dờng rlau mơ Abraham, ồng pàng bol hi dê, la cau neh chơt ơ? Ală cau gơnoar hwơr kung neh chơt! Cau Bơto sơnđan is să he la ñcau taih?”

Jang 8:33

Bol khai ho lah: “Bol hi la jơi bơtiàn Abraham dê, òhềt tŭ lơi lơh dĭ cau lơi in. Behơ̆ ñchi bơh tài Cau Bơto đơs lah: ‘Bol mê rơp geh hồ toh, taih’?”

Luka 3:8

Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in.

Hebrơ 12:9

Mơ tai, bol he neh gơs bèp đah poac să lơh glài tơmàl, mơ bol he duh rngòt di bol khai, tơ ài lah Bèp đah hwềng gen bol he ò dòn duh sơlo rlau tai nàng geh kis ò ơ?

Rôma 6:1

Behơ̆, mbe bol he kòñ đơs taih? Bol he kư̆ ơm sùm tòm tồi glài tồ bơta nđàc in geh bơtơl lìu làc ơ?

Rôma 1:3

Hơ̆ la Jơnau Niam bơh Kòn Kơnràñ, Yàng Jesu Krist la Yàng bol he dê, jat poac să geh deh bơh jơi bơtiàn Dabit dê,

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)