Philip 1:14 - Sră Goh 2018

¹⁴ Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

Philip 1:14 Referans Kwoze

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

Luka 1:74

Tơnơ̆ mơ tŭ neh geh dong klàs bơh di tê ală cau sò tơm rau, Ai bol he in geh duh broă Kơnràñ dô bă ò rngòt,

Kôlôse 4:4

tồ añ in yal tơlik jơnau hơ̆ be añ pal đơs.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Kôlôse 4:7

Ticikơ la oh mi đềt mềr, la cau gơnoar duh broă dòn song, mơ kung la cau bơyô duh broă bal mơ añ tòm Yàng, rơp yal tơlik oh mi in git jơh ală broă añ jê.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

II Kôrintô 7:4

Añ dòn kơnòm nền cê di oh mi, mơ gơs oă bơta jòng să bơh di oh mi! Añ gơs bềng lìu bơta pơndòm pơniang, lìu làc bơta hòn chò digùl ală bơta bòl glar.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

Jơnau Niam Jat Mak 3:3

Yàng Jesu đơs mơ cau siar mpàng tê lah: “Ñă tĕ, ntào digùl do.”