Ñìm Rac 2:4 - Sră Goh 2018

⁴ Kơnràñ wàr àtak be dô nă cau sò tơm; pò tê ma hơđang kung be cau sòdră. Kơnràñ tơnchơt jơh ală cau lơh bol hi in jòng să; Tòm sàl kòn ùr Siôn, Kơnràñ neh tuh bơta gơjrañ dờng Kơnràñ dê kung be ồs.

Ñìm Rac 2:4 Referans Kwoze

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ejekiel 24:25

Ai mê, ơ kòn mơnus, tòm ngai Añ tă tơlik bơh di bol khai tiah kơ̆ cê, bơta hòn chò mơ bơta gơklŏ bol khai dê, bơta mat bol khai hàm kòñ, bơta nùs bol khai kòñ gơboh, bal mơ ală kòn klau mơ ală kòn ùr bol khai dê sơl

Jeremi 21:5

Să tòm Añ rơp tòmlơh tòmdră mơ bol mê, mơ tê pò tơlik, mơ tơwòr tê pràn kơldang, tòm bơta gơjrañ, tòm bơta gơhào gơjrañ mơ bơta gơjrañ dờng.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Sră Jop 6:4

Bơh ală kam Bơtau Gơnap Gơnoar Làm Jơh dê di di añ, Hwềng añ hùc bơta bih khih gơ dê; Bơta rngòt rngơt Yàng Tom Trồ dê gơrwàng tòmdră mơ añ.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Ejekiel 36:18

Behơ̆ Añ neh tuh bơta gơjrañ dờng añ jê hơđang bol khai tài bơh bol khai neh lơh gơhòr mhàm tòm lơgar, mơ bơh bol khai neh lơh ƀơ̆ ƀơl lơgar hơ̆ bơh rùp ràk bol khai dê.

Ejekiel 22:22

Be priă lề lac tòm bơnhă ồs gen bol mê kung rơp lề lac tòm gùl ƀòn dờng hơ̆, mơ bol mê rơp git lah Añ, Yàng Jehôwa, neh tuh bơta gơjrañ dờng Añ jê hơđang bol mê.’”

Ejekiel 6:12

Cau lơi ơm ngài rơp chơt bơh pluh plàng, cau lơi ơm rềp rơp pừ bơh đào, mơ cau lơi gam kis, gam lòi wơl gen rơp chơt bơh jơgloh rung. Hơ̆ la bơta gơjrañ dờng Añ jê, Añ rơp tuh hơđang bol khai.

Ejekiel 5:13

Gen bơta gơhào gơjrañ Añ jê rơp tơl mơ bơta gơjrañ dờng Añ jê hơđang bol khai rơp rài mơ lơh hừh nùs Añ. Tòm tŭ Añ neh tuh bơta gơjrañ dờng Añ jê hơđang bol khai rau gen bol khai rơp git lah hơ̆ să tòm Añ Yàng Jehôwa, neh đơs tòm bơta ƀoah pơrñat Añ jê.

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ñìm Rac 3:3

Mìng dô nă Kơnràñ tòmdră mơ añ, Kơnràñ tơrwơl tê oă dơ̆ jơh ngai mho.

Ñìm Rac 2:5

Yàng neh gơlik gơs be dô nă cau sò tơm, Kơnràñ neh tơnroh Israel; Kơnràñ neh tơnroh jơh ală gơlang bơtau gơ dê, lơh tơrlah tơrling ală theng kơ̆ cê; mơ bơtơl bơta ñìm rac, pơt wòl digùl kòn ùr Juda.

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Esai 63:6

Añ neh jă trơm ală làng bol tòm bơta gơjrañ Añ jê; neh tơnlề bol khai bơh bơta gơjrañ dờng Añ jê, mơ neh tuh tơlik mhàm bol khai dê hơđang ù.”

II Yal Yau 34:25

Tài bơh bol khai neh sang lòi Añ mơ neh chu kơlhô ală yàng ndai in mơ neh bơrcek Añ gơjrañ bơh jơh ală bơta tê bol khai neh lơh, gen bơta gơjrañ Añ jê rơp dùh hơđang tiah do mơ rơp ò rài ò.’

II Yal Yau 34:21

“Lòt tĕ hòi lùp Yàng Jehôwa añ in mơ làng bol gam wơl tòm Israel mơ Juda in bơh jơnau neh cih tòm dap sră neh jòi bàn do. Bơta gơjrañ dờng Yàng Jehôwa dê rơp dùh hơđang bol he tài bơh ală ồng pàng bol he dê ò prap gàr jơnau Yàng Jehôwa dê, bol khai ò lơh jat tòm toh be jơh ală jơnau neh cih tòm dap sră do.”

Đơs Crih 37:14

Cau iơh bơsak tă đào mơ wàr àtak khai dê, Nàng lơh tơlup cau rƀah lơòi mơ siơ̆u siar, Mơ tơnchơt cau lòt jat bơta song ring.

Jeremi 10:20

Sàl añ jê neh kong tơnroh, Ală che añ jê kòl gơltac jơh, Ală kòn añ sang lòi añ, Bol khai ò gam tai. Ò gơs cau nàng lì sàl añ tai Mơ cang bài kơrnìng añ in.

Ejekiel 20:34

Kung bơh tê gơnoar pràn mơ tơwòr tê pò tơlik bal mơ bơta gơjrañ dờng tuh tơlik mơ Añ rơp cèng bol mê lik klàs bơh di ală làng bol, mơ pơjum tơrgòm wơl bol mê bơh di ală lơgar mơ bol mê neh nrah nring.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.

I Samuel 28:16

Samuel đơs lah: “Ñchi bơh tài mê hòi lùp añ bơh Yàng Jehôwa neh sang lòi mê mơ Kơnràñ neh gơlik gơs cau sò tơm mê dê taih?

Sră Jop 19:11

Bơta gơjrañ Kơnràñ dê hìt tòmdră mơ añ, Kơnràñ kòp añ kung be cau sò tơm Kơnràñ dê.

Đơs Crih 7:13

Yàng rcang pềs tà nàng tơnchơt, Mơ lơh ală kam Kơnràñ dê gơlik ồs.

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Ñìm Rac 1:13

Bơh tiah jơnhoa Kơnràñ neh sồr ồs tus gơmut jrô tòm ntìng añ jê; Kơnràñ pơt dă di jơng añ jê, Kơnràñ wèt ngkòi di añ; Kơnràñ lòi añ ơm is, lơgah lơgañ jơh ngai mho.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 7:14

Bulah bol khai uh kơlwòk mơ rcang sir jơh ală bơta, ò gơs dô nă cau lik lòt tòmlơh, bơh bơta gơjrañ dờng Añ jê neh dùh hơđang jơh mpồl làng bol.

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.