Nehemi 9:5 - Sră Goh 2018

⁵ Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Nehemi 9:5 Referans Kwoze

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Ejra 3:11

Bol khai đơs chò tòmho bal jòng ro mơ ưnngài Yàng Jehôwa lah: “Bơh Kơnràñ la niam, bơta kòñ gơboh kơ̆ dơn Kơnràñ dê gam sùm sùm gơwèt mơ Israel.” Mơ jơh làng bol tòmho wơl mơ jơnau driau dờng jòng ro Yàng Jehôwa; tài bơh mơnàng hìu Yàng Jehôwa dê neh bơt bơtào.

I Yal Yau 29:13

Mơ tŭ do ơ Yàng Tom Trồ bol hi dê, bol hi ưnngài Kơnràñ mơ jòng ro sơnđan gơklŏ Kơnràñ dê.

Đơs Crih 146:2

Añ rơp jòng ro Yàng Jehôwa kàr lơi añ gam kis; Añ rơp đơs chò jòng ro Yàng Tom Trồ añ jê jơl jơh rài kis añ jê.

Đơs Crih 145:5

Añ rơp kơlôi sơnơng bơh bơta gơklŏ ryŭ ryơm àng gơcrà Yàng dê, Mơ bơh ală broă crih crài Kơnràñ dê.

Đơs Crih 145:2

Kòp ngai añ rơp jòng ro Yàng, Mơ jòng ro sơnđan Kơnràñ sùm sùm ò lồi.

Đơs Crih 134:1

Ơ ală cau duh broă Yàng Jehôwa dê, la cau ntào tòm hìu Yàng dê tòm trồ mang, Tus tĕ jòng ro Yàng Jehôwa!

Đơs Crih 106:2

Ñcau rgơi yal ală broă gơnap gơnoar Yàng Jehôwa dê, Hala bơto yal bơta jòng ro Kơnràñ dê dô bă wil tơl taih?

Đơs Crih 16:2

Añ đơs mơ Yàng Jehôwa lah: “Kơnràñ la Yàng añ jê, Rlau mơ Kơnràñ gen añ ò gơs bơta niam lơi.”

II Yal Yau 20:19

Ală cau Lebi bơh mpồl Kôhat mơ cau Kôra ñă ntào nàng jòng ro Jehôwa Yàng Tom Trồ Israel dê bal mơ sap driau dờng.

II Yal Yau 20:13

Tòm tŭ jơh ală cau Juda ntào di đap Yàng Jehôwa bal mơ ală kòn dềt, mơ ală bau ùr mơ ală kòn sau bol khai dê.

I Yal Yau 29:20

Gen Dabit đơs mơ jơh dô mpồl jơnum lah: “Jòng ro Jehôwa Yàng Tom Trồ bol mê dê.” Behơ̆ jơh tơl nă bol khai jòng ro Jehôwa Yàng Tom Trồ ală ồng pàng bol khai dê; bol khai kun bồ mơ tơmbic să di đap Yàng Jehôwa mơ bơtau.

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;

I Ală Bơtau 8:27

Mơya ngan lah Yàng Tom Trồ ơm hơđang plai ù do sơl? Bulah hơđang trồ mơ ală tap trồ jơnhoa rlau jơh kung ò rgơi ơn Kơnràñ, tơ ài lah hìu dềt do mơ añ neh bơt!

I Ală Bơtau 8:22

Tơnơ̆ mơ hơ̆, Salômôn ntào di đap cơnòng duh khoai Yàng Jehôwa dê, di đap mat jơh mpồl jơnum Israel, mơ pò tê khai dê hơđang trồ.

I Ală Bơtau 8:14

Gen bơtau sền gùt dar, mơ ai lơngai mpồl jơnum Israel in. Tòm tŭ jơh mpồl jơnum Israel ntào.

Yal Wơl 28:58

Dilah bol mê ò kơrhia lòt jat jơh ală jơnau bơta boh lam do, la jơnau neh cih tòm sră do, mơ ò ki ngàm di sơnđan gơklŏ mơ pal rngòt rngơt do, hơ̆ la Jehôwa Yàng Tom Trồ bol mê dê,

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Lik Ejiptơ 15:6

Ơ Yàng Jehôwa! Tê ma Kơnràñ dê gơs gơnap gơnoar gơklŏ ngan. Ơ Yàng Jehôwa! Tê ma Kơnràñ dê tơnlề cau sò tơm.

I Ală Bơtau 8:15

Khai đơs lah: “Pal jòng ro Jehôwa Yàng Tom Trồ Israel dê, bơh tê Kơnràñ neh lơh gơlik wil tơl ală bơta Kơnràñ ho mơ Dabit, bèp añ, mơ đơs lah:

Nehemi 9:4

Gen Jesua, Bani, Katmiel, Sebaniah, Bunni, Serebiah, Bani mơ Kenani ntào hơđang kơnă ntùng ală cau Lebi dê mơ hòi driau dờng jơnau mơ Jehôwa Yàng Tom Trồ bol khai dê.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Ală Kwang Cahrña 13:18

Cau gơnrơh Yàng Jehôwa dê ho lah: “Ñchi bơh tài mê lùp sơnđan añ taih? Sơnđan añ crih crài ngan!”

I Yal Yau 16:36

Pal jòng ro Yàng Jehôwa la Yàng Tom Trồ Israel dê, bơh sùm sùm tus di sùm sùm. Gen jơh làng bol đơs “Amen” mơ “Jòng ro Yàng Jehôwa.”

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Đơs Crih 66:2

Đơs chò tĕ bơh bơta gơklŏ sơnđan Yàng dê, jòng ro tĕ mơ lơh àng sơnđan Yàng.

Đơs Crih 99:3

Lòi bol khai jòng ro sơnđan Kơnràñ dê la sơnđan dờng ngan mơ pal rngòt ngan! Yàng la sàng goh!

Daniel 2:20

Daniel đơs lah: “Jòng ro sơnđan Yàng Tom Trồ sùm sùm ò git lồi, Bơta jak chài mơ gơnap gơnoar gơrê bal mơ Kơnràñ.