Nehemi 9:19 - Sră Goh 2018

¹⁹ Bơh tòm bơta nđàc sơngit dờng Kơnràñ ò sang lòi bol khai tòm ƀlàng ngềt ngơt; jrong mhwal lam gùng ò sang lòi bol khai tòm trồ ngai, jrong ồs sòl tòm trồ mang lam bol khai lòt tòm gùng bol khai pal lòt.

Nehemi 9:19 Referans Kwoze

Đơs Crih 106:45

Bơh bol khai mơ Kơnràñ kah wơl bơta ho bal Kơnràñ dê, Mơ kòñ nđàc bol khai jat bơta kòñ gơboh kơ̆ dơn tơngkah tơngkañ Kơnràñ dê.

Nehemi 9:27

Tài bơh hơ̆, Kơnràñ neh jào bol khai tòm tê cau sò tơm bol khai dê. Gen cau sò tơm hơ̆ rồn bơklơn bol khai. Mơ tòm tŭ kòl tòm bơta jê sồt bòl glar gen bol khai neh rac dan mơ Kơnràñ. Bơh đang trồ Kơnràñ neh kơno bol khai, mơ jat bơta nđàc dờng Kơnràñ dê, gen Kơnràñ sồr ală cau dong klàs tus nàng dong tă bol khai klàs bơh di ală cau sò tơm bol khai dê.

Malaci 3:6

“Bơh Añ la Yàng Jehôwa ò tŭ lơi tòmgơl; behơ̆, ơ bol mê la kòn sau Jakôp dê, bol mê ò gơkòl roh rui.

Nehemi 9:12

Tòm trồ ngai, Kơnràñ neh ngui dô nơm jrong mhwal nàng lam bol khai. Mơ tòm trồ mang, Kơnràñ neh ngui dô nơm jrong ồs nàng sòl gùng bol khai pal lòt.

Daniel 9:18

Ơ Yàng Tom Trồ añ jê, dan wèt tồr mơ iat, dan pò mat mơ sền bơta tơnroh gơprah ƀòn dờng neh geh tơmoh mơ sơnđan Kơnràñ dê! Bol hi rac dan mơ Kơnràñ ò di tài bơh bol hi la song ring, mơya la kơnòm di bơta nđàc sơngit dờng ơnàng Kơnràñ dê.

Daniel 9:9

Jehôwa la Yàng Tom Trồ bol hi dê la Bơtau gơs bơta kòñ nđàc mơ jak toh glài bulah bol hi neh tòmdră mơ Kơnràñ.

Khà Làng Bol 14:14

Mơ bol khai rơp yal ală cau in ơm tòm lơgar do bơh bơta hơ̆. Ơ Yàng Jehôwa, bol khai neh kơno lah Kơnràñ ơm bal mơ làng bol do, mơ ơ Yàng Jehôwa, Kơnràñ neh tơlik mat bol khai in sền gŏ, mhwal Kơnràñ dê gam ơm hơđang bol khai, mơ Kơnràñ lòt di đap bol khai tòm dô nơm jrong mhwal tòm trồ ngai mơ dô nơm jrong ồs tòm trồ mang

Ejekiel 20:22

Mơya Añ neh ruc wơl tê Añ jê, mơ tài bơh sơnđan Añ mơ Añ neh prap gàr gơ tồ ò kòl sền òsơp di đap ală làng bol neh gŏ Añ cèng bol khai lik klàs.

Ejekiel 20:14

Mơya Añ neh lơh broă tài bơh sơnđan Añ mơ ò lòi kòl sền òsơp di đap ală làng bol neh gŏ Añ cèng bol khai lik klàs.

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Esai 44:21

Ơ Jakôp, kah tĕ ală bơta do, ơ Israel, bơh mê la cau duh broă Añ jê. Añ neh lơh gơs mê, mê la cau duh broă Añ jê; ơ Israel, Añ rơp ò hŭi mê.

Nehemi 9:31

Mơya tài bơh nùs nđàc sơngit dờng ngan Kơnràñ dê gen Kơnràñ neh ò tơnroh bol khai, kung ò sang bol khai sơl; tài bơh Kơnràñ la Yàng Tom Trồ kòñ nđàc mơ nđàc sơngit.

Lik Ejiptơ 40:38

Behơ̆, puk mhwal Yàng Jehôwa dê ơm hơđang Hìu Ing Duh Khoai tòm trồ ngai, mơ gơs ồs tòm mhwal tòm trồ mang, di đap mat jơh làng bol Israel tòm jơh ală gùng lòt bol khai dê.

I Samuel 12:22

Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.

Lik Ejiptơ 40:36

Tòm jơh ală gùng lòt làng bol Israel dê, tŭ lơi puk mhwal guh bơh di hơđang Hìu Ing Duh Khoai gen bol khai lik lòt;

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Đơs Crih 136:16

Kơnràñ tề lam làng bol Kơnràñ dê lòt gan ƀlàng bràs, Bơh bơta kòñ gơboh kơ̆ dơn Kơnràñ dê gam sùm sùm.

Ejekiel 20:17

Bulah behơ̆, mat Añ neh wèt sền mơ nđàc pơlai bol khai, mơ Añ neh ò tơnroh bol khai hala pơndut bol khai tòm ƀlàng ngềt ngơt.