Nehemi 9:15 - Sră Goh 2018

¹⁵ Kơnràñ neh ai bol khai in sa piang lă bơh trồ tŭ bol khai jơgloh; tòm tŭ bol khai tơhìr lơh dà lik bơh lŭ nàng ai bol khai in hùc; mơ kung neh sồr bol khai mut dòp ù tiah mơ Kơnràñ neh ho ai bol khai in.

Nehemi 9:15 Referans Kwoze

Yal Wơl 1:8

Sền ne, Añ neh ai bol mê in lơgar do. Mut tĕ mơ dòp ù tiah lơh gơs sre brê mơ Yàng Jehôwa neh srat să ho nền ai ală ồng pàng bol mê in la Abraham, Isak mơ Jakôp, mơ ală kòn sau bol khai in.’

Lik Ejiptơ 17:6

Añ rơp ntào tềng hơ̆ di đap mê, di pơnai lŭ tòm Hôrep. Mê pòng tĕ pơnai lŭ, gen dà rơp bơh di pơnai lŭ hơ̆ gơhòr lik ai làng bol in hùc.” Môise lơh behơ̆ di đap ală cau kwang kra Israel dê.

Lik Ejiptơ 16:4

Gen Yàng Jehôwa đơs mơ Môise lah: “Añ rơp bơh hơđang trồ đùh mìu piang lă bol mê in. Làng bol rơp lik kòp ngai dòñ tơl sa dô ngai hơ̆. Lơh behơ̆ nàng Añ lòng sền làng bol rơp lơh jat jơnau bơto sồr Añ jê hala ò.

Ejekiel 20:15

Añ kung neh srat să mơ bol khai tòm ƀlàng ngềt ngơt lah Añ rơp ò cèng bol khai mut tòm ù tiah mơ Añ neh ho ai bol khai in, la ù tiah bềng dà toh mơ dà lơwe, ù tiah niam rlau mơ jơh ală ù tiah ndai;

Đơs Crih 114:8

La Bơtau lơh pơnai lŭ gơlik gơs dà tơnau, Tòmgơl lŭ kơldang gơlik gơs dà cat.

Yal Wơl 8:3

Kơnràñ tơnliah bol mê, lơh bol mê in kong jơgloh lồc behơ̆ siam bol mê mơ mana mơ bol mê hala ồng pàng bol mê dê kung òhềt tŭ lơi git, nàng bơto bol mê in git lah kòn mơnus ò di kis bơh piang lă lơm ò, mơya bơh kòp jơnau neh đơs bơh bơr Yàng Jehôwa dê.

Nehemi 9:20

Kơnràñ kung ai bol khai in Hwềng lơbơn niam nàng bơto bol khai. Mơ ò lơh sềt pơniă ai bol khai in sa mana, mơ dà bol khai in nàng hùc rài tơhìr.

Yal Wơl 1:21

Sền ne, Jehôwa Yàng Tom Trồ bol mê dê neh ai lơgar bol mê in. Lòt guh tĕ mơ dòp sre brê jat be Jehôwa Yàng Tom Trồ ală ồng pàng bol mê dê neh đơs mơ bol mê. Bañ rngòt, bañ gơplơ̆ nùs.’

Khà Làng Bol 14:30

Ò gơs dô nă cau lơi tòm bol mê rơp mut tòm lơgar mơ Añ neh pò tê srat să lơh gơs hìu tòm bol mê in, lòi mìng Kalep kòn klau Jephune mơ Jôsue kòn klau Nun.

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Lik Ejiptơ 6:8

Mơ Añ rơp cèng bol mê mut tòm lơgar mơ Añ neh pò tê srat să ai Abraham in, ai Isak in, mơ ai Jakôp in. Añ rơp ai gơ bol mê in lơh gơs sre brê. Añ la Yàng Jehôwa.’”

Lik Ejiptơ 17:3

Mơya tềng hơ̆ làng bol tơhìr dà ngan, mơ bol khai yoam tòmdră di Môise. Bol khai đơs lah: “Ñchi bơh tài ồng neh cèng bol hi lik bơh Ejiptơ nàng bol hi mơ kòn bol hi dê bal mơ ală mpồl phan poan jơng pal kong chơt tơhìr be do taih?”

Esai 48:21

Bol khai rơp ò tơhìr dà tòm tŭ Kơnràñ lam bol khai lòt gan ală ƀlàng bràs; Kơnràñ neh lơh dà gơhòr lik bơh di pơnai lŭ klềr; Kơnràñ pòng bơcah pơnai lŭ klềr, gen dà hòr lik.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.