Nehemi 8:8 - Sră Goh 2018

⁸ Behơ̆ bol khai sền bơh tòm sră, bơh bơta boh lam Yàng Tom Trồ dê, mơ yal tơlik gơtha nàng làng bol wă jơnau bol khai sền.

Nehemi 8:8 Referans Kwoze

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Luka 24:45

Gen Kơnràñ pò dơngoh kơlôi bol khai dê nàng git wă Sră Goh,

Luka 24:32

Bol khai đơs bal lah: “Tòm tŭ lòt rò gùng nti, Kơnràñ tòmbơhbơr mơ bol he mơ yal tơlik loh Sră Goh bol he in, nùs bol he ò duh hul ơ?”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Habakuk 2:2

Gen Yàng Jehôwa ho wơl lah: “Mê cih wơl tĕ bơta gơtơnggŏ, mơ cih loh làng gơ hơđang ală mpàn cih, tồ dô nă cau ntoat rgơi sền gơ.

Ejra 4:18

Sră bol mê neh pơyoa bol hi in gen neh geh sền mơ sơpơ̆bơr di đap añ rau.

Nehemi 8:7

Kung gơs Jesua, Bani, Serebia, Jamin, Akup, Sabethai, Hôdiah, Maaseyah, Kelita, Ajaria, Jôjabat, Hanan, Pelayah, mơ ală cau Lebi dong kòl làng bol nàng git wă bơta boh lam tòm tŭ làng bol gam ơm di tiah bol khai dê.

Nehemi 8:9

Gen Nehemi cau kwang at bồ kơnhwàl, Ejra cau gơnoar ơn phan duh khoai kung la cau gơnoar cih, mơ ală cau Lebi la ală cau bơto làng bol đơs mơ làng bol Israel lah: “Ngai do la ngai sàng goh Jehôwa Yàng Tom Trồ bol mê in, bañ moat jrùng mơ ñìm rac.” Tài bơh jơh làng bol ñìm tòm tŭ bol khai kơno ală jơnau bơta boh lam dê.

Nehemi 8:12

Gen jơh làng bol rê nàng ñô sa, mơ pơyoa bal ală pơnah phan sa chò hòp ngan; tài bơh bol khai neh wă ală jơnau cau neh bơto bol khai in.

II Ală Bơtau 23:2

Gen, bơtau guh hơ hìu duh khoai Yàng Jehôwa, gơs jơh ală cau Juda, jơh làng bol Jerusalem, ală cau gơnoar ơn phan duh khoai, cau gơnoar hwơr, bal mơ jơh làng bol, cau dềt mơ cau dờng lòt jat khai. Khai sền bol hơ̆ in iat ală jơnau tòm sră ho bal dê, mơ cau neh jòi bàn tòm hìu duh khoai Yàng Jehôwa dê.

Nehemi 9:3

Bol khai ntào tòm tiah bol khai dê mơ sền sră bơta boh lam Yàng Jehôwa Yàng Tom Trồ bol khai dê, tòm dô pơnah poan ngai dê, mơ tòm dô pơnah poan ndai bol khai yal glài mơ duh khoai Jehôwa Yàng Tom Trồ bol khai dê.

Ejekiel 46:10

Tòm tŭ bol khai mut cau bơtau pal mut bal mơ bol khai, mơ tòm tŭ bol khai lik gen bơtau pal lik bal mơ bol khai.