Nehemi 8:6 - Sră Goh 2018

⁶ Gen Ejra jòng ro Yàng Jehôwa, Yàng Tom Trồ dờng ngan; gen jơh làng bol pò tê mơ đơs lah: “Amen! Amen!” Gen bol khai kun bồ tơmbic să di ù mơ duh khoai Yàng Jehôwa.

Nehemi 8:6 Referans Kwoze

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

Ñìm Rac 3:41

Bol he yò tơngguh tĕ nùs bal mơ tê he tus hơ Yàng Tom Trồ ơm hơđang trồ.

Lik Ejiptơ 4:31

mơ bol khai dòn. Mơ tòm tŭ bol khai neh kơno lah Yàng Jehôwa neh wèt sền bol khai, mơ neh gŏ bơta dồn sa bol khai dê; bol khai kun bồ mơ duh khoai.

II Yal Yau 20:18

Jehôsaphat tơmbic să blup mat tòm ù, mơ jơh làng bol Juda mơ Jerusalem tơmbic să duh khoai di đap Yàng Jehôwa.

Yal Tơlik 7:11

Mơ jơh ală cau gơnrơh ntào gùt dar sơbàn, gùt dar ală cau kwang kra mơ poan nơm phan wìn kis; bol khai tơmbic să di đap sơbàn nàng duh khoai Yàng Tom Trồ,

Đơs Crih 134:2

Pò tĕ tê hơđang wèt hơ tiah sàng goh, Mơ jòng ro Yàng Jehôwa!

Nehemi 5:13

Añ kung rtuh ào añ mơ đơs lah: “Cau lơi ò lơh jat jơnau ho gen dan Yàng Tom Trồ rtuh khai bơh hìu khai dê mơ bơh di sre brê khai dê, dan khai gơkòl rtuh tơlik behơ̆.” Gen jơh mpồl jơnum đơs: “Amen” mơ jòng ro Yàng Jehôwa. Làng bol lơh jat bơta bol khai neh ho.

Sơnròp Gơlik Gơs 24:26

Gen cau dĭ kun bồ mơ tơmbic să di đap Yàng Jehôwa,

I Yal Yau 29:20

Gen Dabit đơs mơ jơh dô mpồl jơnum lah: “Jòng ro Jehôwa Yàng Tom Trồ bol mê dê.” Behơ̆ jơh tơl nă bol khai jòng ro Jehôwa Yàng Tom Trồ ală ồng pàng bol khai dê; bol khai kun bồ mơ tơmbic să di đap Yàng Jehôwa mơ bơtau.

Lebi 9:24

Ồs gơlik bơh Yàng Jehôwa mơ sa phan ơn chu pơrguc mơ ală pơnah dơngi hơđang cơnòng duh khoai. Mơ tòm tŭ jơh làng bol gŏ bơta hơ̆, bol khai driau dờng hòn chò mơ tơmbic să blup mat tòm ù.

Lik Ejiptơ 12:27

Gen yal tĕ bol khai in lah: ‘Hơ̆ la phan ơn Ngai Pơjum Sa Lòt Gan Yàng Jehôwa dê, Kơnràñ neh lòt gan ală hìu cau Israel dê tòm Ejiptơ mơ lòi hìu nhă bol he dê lơngap lơngai tòm tŭ Kơnràñ tơnchơt cau Ejiptơ.’” Gen làng bol tơmbic să mơ duh khoai.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

I Kôrintô 14:16

Dilah ò behơ̆, dilah mê mìng ai hwềng nùs mơ ưnngài, gen cau nggui tềng hơ̆ ò git wă jơnau mê đơs la ñchi, gen mbe khai git wă jơnau ưnngài mê dê mơ đơs “Amen” taih?

Mathiơ 26:39

Gen Kơnràñ lòt dô êt cơnđòa tai, blup mat tòm ù mơ hòi dan lah: “Ơ Bèp, dilah rgơi, dan lòi mơngàn do klàs bơh di Kòn; bulah behơ̆, ò di jat nùs kòñ Kòn dê, mơya jat nùs kòñ Bèp dê.”

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Jeremi 28:6

Cau gơnoar hwơr Jeremi đơs lah: “Amen! Dan Yàng Jehôwa lơh behơ̆! Dan Yàng Jehôwa lơh wil tơl ală bơta jat be jơnau mê neh đơs hwơr, cèng ală phan ngui tòm hìu Yàng Jehôwa mơ jơh ală cau gơs dĭ bơh Babilôn rê wơl tòm tiah do!

Đơs Crih 141:2

Dan dòp jơnau hòi dan añ jê be kơlhô chu di đap Yàng; Dan dòp bơta añ pò tê hơđang kung be phan ơn duh khoai tòm trồ mho.

Đơs Crih 63:4

Behơ̆ añ rơp jòng ro Kơnràñ jơl jơh rài kis añ jê; Añ rơp pò tê hòi dan di sơnđan Kơnràñ.

Đơs Crih 41:13

Pal jòng ro Yàng Jehôwa la Yàng Tom Trồ Israel dê, Bơh sùm sùm jơl tus sùm sùm ò lồi! Amen! Amen!

Đơs Crih 28:2

Dan iat jơnau rac dan añ jê, Tòm tŭ añ hòi dan Yàng dong kòl añ, mơ añ pò tê añ jê wèt hơ tiah sàng goh ngan Kơnràñ dê.

II Yal Yau 29:30

Bơtau Ejekia mơ ală cau kwang duh broă khai dê ai gơnoar sồr ală cau Lebi ngui ală jơnau đơs crih Dabit mơ Asap cau gơnoar git lài khai dê mơ jòng ro Yàng Jehôwa. Behơ̆ bol khai đơs chò jòng ro tòm bơta hòn chò mơ bol khai kun bồ mơ duh khoai.

II Yal Yau 6:4

Gen khai đơs lah: “Pal jòng ro Jehôwa Yàng Tom Trồ Israel dê, bơh tê Kơnràñ neh lơh gơlik wil tơl jơnau ho bơh bơr Kơnràñ dê, mơ Dabit bèp añ jê, lah:

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

I Yal Yau 16:36

Pal jòng ro Yàng Jehôwa la Yàng Tom Trồ Israel dê, bơh sùm sùm tus di sùm sùm. Gen jơh làng bol đơs “Amen” mơ “Jòng ro Yàng Jehôwa.”

Nehemi 8:7

Kung gơs Jesua, Bani, Serebia, Jamin, Akup, Sabethai, Hôdiah, Maaseyah, Kelita, Ajaria, Jôjabat, Hanan, Pelayah, mơ ală cau Lebi dong kòl làng bol nàng git wă bơta boh lam tòm tŭ làng bol gam ơm di tiah bol khai dê.

I Yal Yau 29:10

Dabit jòng ro Yàng Jehôwa di đap jơh mpồl làng bol, mơ đơs lah: “Jòng ro Kơnràñ, ơ Yàng Jehôwa la Yàng Tom Trồ Israel ồng pàng bol hi dê gam sùm sùm mơ ò lồi.

II Yal Yau 29:10

Tŭ do, hơ̆ la bơh tòm nùs añ jê, kòñ bơtào dô bơta ho bal mơ Jehôwa Yàng Tom Trồ Israel dê, nàng bơta gơjrañ dờng Kơnràñ dê pleh ngài bơh bol he.

Đơs Crih 95:3

Bơh Jehôwa la Yàng Tom Trồ dờng ngan, Mơ la Bơtau dờng hơđang rlau jơh ală yàng.