Nehemi 6:9 - Sră Goh 2018

⁹ Tài bơh bol khai kòñ tơrngòt bol hi mơ kơlôi lah: “Bol khai rơp ò lơh broă tai mơ broă hơ̆ rơp ò lơh sir.” Mơya tŭ do, Ơ Yàng Tom Trồ, dan lơh tê añ jê pràn kơldang!

Nehemi 6:9 Referans Kwoze

Đơs Crih 138:3

Tòm ngai añ hòi dan, Yàng dòp jơnau añ, Mơ bơtơl pràn hwềng soàn añ in.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

Hebrơ 12:12

Behơ̆ pò tĕ ală tê lơbơn lơño oh mi dê mơ lơh pràn kơldang tĕ ală gơltang mprơm oh mi dê.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Ephesô 3:16

Añ dan Kơnràñ jat be bơta gơklŏ crih crài Kơnràñ dê, kơnòm di Yàng Hwềng Kơnràñ dê bơh gơnap gơnoar mơ ai gòi oh mi in gơs pràn kơldang tòm cau đah dơlam,

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

I Samuel 30:6

Dabit ơm tòm bơta sơbơng roh ngan, tài bơh ală làng bol tòmbơyai cơm lŭ di khai, bơh bol khai sràt bơtang ngan tòm nùs tài bơh ală kòn klau mơ ală kòn ùr bol khai dê. Mơya Dabit geh pràn kơldang tòm Jehôwa Yàng Tom Trồ khai dê.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

II Yal Yau 15:7

Mơya bol mê, khin cha tĕ, bañ lòi tê bol mê dê gơlik lơbơn, bơh broă lơh bol mê dê rơp geh phan ƀàn.”

Đơs Crih 71:1

Ơ Yàng Jehôwa, añ kìng crŭ tòm Kơnràñ; Dan bañ tŭ lơi lòi añ gơkòl ƀàssìl!

Đơs Crih 56:3

Tòm tŭ añ rngòt, añ dòn kơnòm di Yàng.

Nehemi 6:14

Ơ Yàng Tom Trồ añ, dan kah tĕ Sanbalat mơ Tôbiah jat be ală broă bol khai neh lơh, kung kah Nôdia cau gơnoar hwơr ùr bal mơ ală cau gơnoar hwơr ndai neh kòñ lơh añ in rngòt.

Đơs Crih 68:35

Cau pal rngòt di Yàng Tom Trồ tòm tiah sàng goh Kơnràñ dê; Yàng Tom Trồ Israel dê la Bơtau ai gơnap gơnoar mơ pràn kơldang làng bol Kơnràñ in. Pal jòng ro Yàng Tom Trồ!

II Yal Yau 32:18

Bol khai driau dờng tòm jơnau cau Juda mơ làng bol Jerusalem ơm hơđang dơrñang ƀòn nàng pơhìn bol khai mơ lơh bol khai in rngòt rngơt tồ tòmpìt ai ƀòn dờng.

Sacari 10:12

Añ rơp ai bol khai in bơta pràn kơldang tòm Yàng Jehôwa, mơ bol khai rơp lòt tòm sơnđan Kơnràñ dê,” Yàng Jehôwa đơs behơ̆.

Ejra 1:6

Jơh ală cau ơm rềp mơ bol khai dong ai bơtơl bol khai in ală phan ngui mơ priă mơ màh, ală phan mơna mơ phan poan jơng, mơ ală phan pà kas màng, bal mơ jơh ală phan ơn jat nùs kòñ.

Ejekiel 30:24

Añ rơp bơtơl pràn ală tơwòr tê bơtau Babilôn dê mơ ơn đào Añ jê tòm tê khai; mơya Añ rơp dơrpă ală tơwòr tê Pharaôn dê, khai rơp ñìm rơnđơh di đap bơtau ne, kung be dô nă cau kong sồt mòr chơt behơ̆ sơl.

Esai 40:29

Kơnràñ ai pràn cau bòl glar in, ai bơtơl gơnoar pràn cau lơbơn òsô in.