Nehemi 6:14 - Sră Goh 2018

¹⁴ Ơ Yàng Tom Trồ añ, dan kah tĕ Sanbalat mơ Tôbiah jat be ală broă bol khai neh lơh, kung kah Nôdia cau gơnoar hwơr ùr bal mơ ală cau gơnoar hwơr ndai neh kòñ lơh añ in rngòt.

Nehemi 6:14 Referans Kwoze

Nehemi 13:29

Ơ Yàng Tom Trồ añ! Dan kah bol khai, bơh bol khai neh lơh ƀơ̆ ƀơl gơnoar ơn phan duh khoai mơ bơta ho pơgon gơnoar ơn phan duh khoai mơ cau Lebi dê.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.

II Timôthe 3:8

Bơh yau òr Jannes mơ Jamber tòmdră mơ Môise be lơi, gen ală cau do kung tòmdră mơ jơnau song behơ̆ sơl; nùs kơlôi bol khai dê ƀơ̆ iơh, bơta dòn bol khai dê ò kwơ.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 24:11

Oă cau gơnoar hwơr ma blac rơp tơlik să mơ pơrlồm oă cau.

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Jeremi 28:10

Gen cau gơnoar hwơr Hanania tă dô nơm yô bơh di ngko cau gơnoar hwơr Jeremi, mơ dơrpă gơ.

Jeremi 28:1

Kung tòm nam hơ̆, tŭ Jedekia, bơtau Juda, rơp sơntòm at bồ, kơnhai pram bơh sơnam dơ̆ poan, Hanania, kòn klau Asua, cau gơnoar hwơr ơm tòm Gabaôn, đơs mơ añ tòm hìu Yàng Jehôwa, di đap ală cau gơnoar ơn phan duh khoai mơ jơh làng bol lah:

Jeremi 14:18

Dilah añ lik lòt tòm ƀlàng sre, Gen gŏ ală cau kong tơnchơt bơh đào; Dilah añ mut tòm ƀòn dờng, Gen gŏ ală cau kòp jê bơh jơgloh rung. Ală cau gơnoar hwơr mơ ală cau ơn phan duh khoai kư̆ lơh broă kă bro làm lơgar mơ ò gơs bơta git wă.”

Jeremi 14:15

Gen tàng, Yàng Jehôwa đơs be do bơh ală cau gơnoar hwơr ai sơnđan Añ mơ đơs hwơr, bulah Añ òhềt sồr, mơ bol khai đơs lah: “Đào tà mơ bơta jơgloh rung rơp ò tus hơđang tiah do.” Să tòm ală cau gơnoar hwơr hơ̆ rơp kong tơnroh bơh đào tà mơ bơta jơgloh rung.

Đơs Crih 63:1

Ơ Yàng Tom Trồ, Kơnràñ la Yàng Tom Trồ añ jê, añ jòi jat Yàng, Hwềng soàn añ tơhìr bơh Kơnràñ; poac să añ kơp kòñ Kơnràñ, Be ơm tòm ù tiah rañ rsơh, bòl glar, mơ ò gơs dà.

Đơs Crih 22:1

Ơ Yàng Tom Trồ añ jê, ơ Yàng Tom Trồ añ jê, ñchi bơh tài Kơnràñ sang lòi añ? Ñchi bơh tài Kơnràñ ơm ngài ò dong kòl añ, mơ ò kơno jơnau rac ròc añ jê taih?

Nehemi 5:19

Ơ Yàng Tom Trồ añ jê, dan kah bơh broă niam añ jê, jơh ală broă añ neh lơh làng bol do in.

Lik Ejiptơ 15:20

Gen Miriam la cau gơnoar hwơr ùr, kung la bi ùr Arôn dê, at sơnggơr dềt tòm tê, gen jơh ală cau ùr lòt jat khai, at sơnggơr dềt mơ tòmya.

Đơs Crih 137:7

Ơ Yàng Jehôwa, dan kah tòmdră mơ ală cau Edôm, tòm ngai Jerusalem kòl tơrlơm, Bol khai đơs lah: “Phà tơrlah tĕ, phà tơrlah tĕ! Tơmù tus di ală mơnàng gơ dê!”