Nehemi 3:7 - Sră Goh 2018

⁷ Melatia cau Gabaôn mơ Jadôn cau Merônôt bal mơ ală cau klau Gabaôn mơ Mispa lơh broă di gah Jôada mơ Mesulam, ơm hơđơm gơnoar cau kwang at bồ kơnhwàl Đah Ne Hiòng.

Nehemi 3:7 Referans Kwoze

II Samuel 21:2

Behơ̆ cau bơtau sồr hòi cau Gabaôn tus mơ tòmbơhbơr mơ bol khai. (Tŭ hơ̆ cau Gabaôn ò di la dô pơnah tòm làng bol Israel, mơya bol khai la cau Amôr gam kis; bulah làng bol Israel neh srat să ho nền ò tơnroh bol khai, mơya Sol neh kòñ pơs tơlik bol khai, bơh nùs ngac ngar khai dê bơh làng bol Israel mơ Juda).

Nehemi 3:19

Di gah khai la Ejer kòn klau Jôsua cau kwang at bồ Mispa bơt wơl dô pơnah ndai di đap kơh guh hơ hìu ơn phan tòmlơh di mum ƀòn.

II Yal Yau 16:6

Gen bơtau Asa cèng bal jơh ală cau tòm làm Juda, mơ bol khai tă cèng bơh di Rama ală lŭ mơ mpàn chi mơ Baasa dê, ală phan Asa neh bơt bơtào mơ ngui ală phan hơ̆ khai bơt Geba mơ Mispa.

Ejra 4:11

Do la dô pang sră cih wơl jat sră bol khai pơyoa khai in: “Pơyoa Bơtau Artaserses: Bơh ală cau duh broă bơtau dê ơm Đah Ne Hiòng, mơ pơyoa còp să.

I Yal Yau 27:30

Hơđang ală làkđa gơs Ôbil cau Ismael. Hơđang ală alàng gơs Jedeja cau Merônôt.