Nehemi 12:45 - Sră Goh 2018

⁴⁵ Bol khai lơh sir bơta duh broă Yàng Tom Trồ bol khai dê, mơ rơndap broă bơta lơh sàng goh, kung be ală cau đơs chò neh lơh mơ ală cau kơp gàr mpồng jat be gơnoar sồr Dabit mơ Salômôn kòn klau khai dê.

Nehemi 12:45 Referans Kwoze

II Yal Yau 23:6

Ò gơs cau lơi geh mut tòm hìu duh khoai mìng ală cau gơnoar ơn phan duh khoai mơ ală cau Lebi gơs gơnoar nàng duh broă; bol khai rgơi mut tài bơh bol khai neh geh ơn is sàng goh, mơya jơh ală cau ndai pal lơh jat jơnau nting sồr Yàng Jehôwa dê.

I Yal Yau 23:28

Broă tòm ală cau Lebi dê la dong kòl ală kòn sau Arôn dê tòm bơta duh broă tòm hìu duh khoai Yàng Jehôwa dê, hơ̆ la rcang gàr ală ƀlàng hìu, ală ơdŭ, bơta lơh sàng goh jơh ală phan neh ơn is sàng goh, mơ ală broă ndai tòm hìu Yàng Tom Trồ dê.

II Ală Bơtau 7:10

Behơ̆ bol khai lòt, hòi ală cau ling ơm kơp gàr mpồng ƀòn, mơ yal bol khai in lah: “Bol hi neh lòt tus hơ sàl mpồl ling cau Aram dê, mơya ò gơs dô nă cau lơi, mơ kung ò kơno sap dô nă cau lơi tềng hơ̆; mìng gŏ ală ơseh mơ alàng gam kơt, mơ ală sàl gam be òs.”

I Yal Yau 26:26

Selômit mơ ală gơp bơtiàn khai dê gơs broă tòm sền gàr jơh ală đam jàr prap gàr ală phan neh ơn is bơh bơtau Dabit, bơh ală cau tòm at bồ ală hìu nhă la ală cau kwang at bồ oă rbô nă mơ ală cau kwang at bồ oă rhiang nă, mơ bơh ală cau kwang at bồ mpồl ling neh geh ơn is.