Nehemi 12:24 - Sră Goh 2018

²⁴ Ală cau lam bồ ală cau Lebi la: Hasabia, Serebia, Jesua kòn klau Katmiel, mơ ală oh mi bol khai dê ơm di đap mat bol khai nàng jòng ro mơ ưnngài, jat gơnoar sồr Dabit cau Yàng Tom Trồ dê, mpồl do ơm tòm toh mat mơ mpồl ne.

Nehemi 12:24 Referans Kwoze

Nehemi 11:17

mơ gơs Mattania kòn klau Mice sau Japdi set Asap, la cau lam bồ bơh broă đơs chò ưnngài tòm tŭ hòi dan, bal mơ Bakbukiah la cau dơ̆ bàr tòm mpồl bol khai; mơ Apda, kòn klau Samua, sau Galal, set Jeduthun.

Nehemi 9:4

Gen Jesua, Bani, Katmiel, Sebaniah, Bunni, Serebiah, Bani mơ Kenani ntào hơđang kơnă ntùng ală cau Lebi dê mơ hòi driau dờng jơnau mơ Jehôwa Yàng Tom Trồ bol khai dê.

Nehemi 8:7

Kung gơs Jesua, Bani, Serebia, Jamin, Akup, Sabethai, Hôdiah, Maaseyah, Kelita, Ajaria, Jôjabat, Hanan, Pelayah, mơ ală cau Lebi dong kòl làng bol nàng git wă bơta boh lam tòm tŭ làng bol gam ơm di tiah bol khai dê.

Ejra 2:40

Ală cau Lebi: Ală kòn sau Jesua mơ Katmiel, kòn sau Hôdabiah dê la poh jơt poan nă;

II Yal Yau 8:14

Jat be bơta lơh nền Dabit bèp khai dê, khai pồ bơtào ală bơnòr cau gơnoar ơn phan duh khoai jat broă tòm bol khai dê, mơ ală cau Lebi nàng lam bồ bơta jòng ro mơ gơnoar broă ală cau gơnoar ơn phan duh khoai jat be broă pal lơh kòp ngai, mơ ală mpồl cau kơp gàr ală mpồng jat kòp mpồl bol khai dê tòm kòp nơm mpồng, tài bơh hơ̆ la bơta mơ Dabit cau Yàng Tom Trồ dê neh ai jơnau sồr.

I Ală Bơtau 17:24

Gen khai đơs mơ Eli lah: “Tŭ do añ đal git ồng la dô nă cau Yàng Tom Trồ dê, mơ jơnau Yàng Jehôwa dê ơm tòm bơr ồng la song ngan.”

Jôsue 14:6

Tŭ hơ̆ cau Juda tus hơ Jôsue tòm Gilgal, mơ Kalep kòn klau Jephune la cau Kenit, đơs mơ khai lah: “Ồng git ñchi jơnau Yàng Jehôwa neh đơs mơ Môise la cau Yàng Tom Trồ dê tòm Kades Barnea bơh añ mơ ồng.

Yal Wơl 33:1

Do la bơta lơngai mơ Môise cau Yàng Tom Trồ dê neh ai lơngai cau Israel in lài mơ tŭ khai chơt.

II Timôthe 3:17

tồ cau Yàng Tom Trồ dê geh wil tơl, mơ rcang sir wil tơl nàng lơh jơh ală broă niam.

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

Nehemi 12:23

Ală cau lam bồ ală mpồl cau Lebi neh cih sơnđan tòm sră Yal Yau jơl tus rài Jôhanan kòn klau Eliasip dê.

Nehemi 12:36

mơ ală oh mi bol khai di la: Semayah, Ajarel, Milalai, Gilalai, Maai, Nethanel, Juda, mơ Hanani at ală kơñi Dabit cau Yàng Tom Trồ dê. Ejra cau gơnoar cih lòt hơđap bol khai.

I Yal Yau 16:4

Bơtau pồ bơtào cau ƀà tòm ală cau Lebi nàng duh broă di đap Đài Bơta Ho Bal Yàng Jehôwa dê, nàng hòi dan, ưnngài mơ jòng ro Yàng Jehôwa la Yàng Tom Trồ Israel dê.