Nehemi 10:37 - Sră Goh 2018

³⁷ mơ kung cèng kơmbuh piang lă sơnròp bol hi dê, ală phan ơn, ală plai chi, tơrnòm mơ mơñà tus hơ ală đam tòm hìu duh khoai Yàng Tom Trồ bol hi dê. Mơ kung tus hơ ală cau Lebi ală pơnah jơt bơh ù tiah, la ală cau dòp pơnah jơt bơh ù tiah tòm ală ƀòn dờng bol hi dê.

Nehemi 10:37 Referans Kwoze

Lebi 23:17

Bơh di tiah lơi bol mê ơm, cèng tĕ bàr nơm piang lă lơh gơs bơh bàr pơnah jơt epha kơmbuh phe rhền bal mơ kañ, lơh gơs phan ơn plai bồ sơnam tơyài ơn Yàng Jehôwa in.

Khà Làng Bol 18:21

Añ ai ală cau Lebi in jơh ală pơnah jơt tòm Israel lơh gơs sre brê bol khai dê, tơm wơl bơh ală broă bol khai neh lơh tòm tŭ duh broă tòm Sàl Tòm Mat.

Nehemi 13:9

Gen añ sồr cau lơh goh ơdŭ hơ̆ mơ añ tơmut wơl ală phan ngui hìu duh khoai Yàng Tom Trồ dê, phan ơn duh khoai mơ kơmbuh phe mơ kơlhô.

Nehemi 13:5

neh rcang Tôbiah in dô nơm ơdŭ dờng la tiah bơh lài cau neh ơn ală kòi phe, ală kơlhô, ală phan ngui, kòi pơnah jơt, tơrnòm, mơ mơñà, hơ̆ la ală phan neh geh ơn bơh bơta boh lam ai ală cau Lebi, ală cau đơs chò, mơ ală cau sền gàr mpồng in, bal mơ ală phan ơn ală cau gơnoar ơn phan duh khoai in.

Yal Wơl 26:2

bol mê ai tĕ dô êt plai bồ sơnam bơh di jơh ală phan mơ bol mê neh lơh gơlik gơs bơh di ù tiah mơ Jehôwa Yàng Tom Trồ bol mê dê neh ai bol mê in mơ ơn gơtòm dô nơm bài. Lồc behơ̆ lòt tĕ tus hơ tiah mơ Jehôwa Yàng Tom Trồ bol mê dê rơp sac rwah lơh gơs tiah sơnđan Kơnràñ in ơm.

Yal Wơl 18:4

Bol mê pal ai bol khai in ală plai bồ sơnam kòi mbo bol mê dê, tơrnòm pa mơ mơñà, mơ sơnò belàt siat dơ̆ sơnròp bơh di belàt bol mê dê,

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Malaci 3:8

“Dô nă kòn mơnus rơp sa kơñau bơh di Yàng Tom Trồ sơl ơ? Mơya bol mê kơñau bơh di Añ.” Mơya bol mê lùp lah: “Mbe bol hi sa kơñau Kơnràñ taih? Bol mê neh sa kơñau tòm ală pơnah jơt mơ tòm ală phan ơn.

II Yal Yau 31:6

Ală cau Israel mơ Juda ơm tòm ală ƀòn dờng Juda dê kung cèng tus phan ơn dô pơnah jơt bơh di ală phan sàng goh neh ơn Jehôwa Yàng Tom Trồ bol khai in, mơ bol khai dap ală phan hơ̆ gơs ală gơnru dờng.

Rôma 11:16

Dilah dô sơmbat kơmbuh sơnròp geh ơn la sàng goh, gen jơh dô kơnac kơmbuh kung sàng goh sơl; mơ dilah ryas la sàng goh, gen ală ntê kung sàng goh sơl.

Yal Wơl 14:22

Lơh nền tĕ ơn is dô pơnah jơt tòm jơh phan gơlik gơs bơh di ƀlàng sre bol mê dê kòp nam.

Nehemi 13:10

Añ kung kơno lah ală cau Lebi òhềt dòp geh ală pơnah ơn bol khai in; gen tàng ală cau Lebi, ală cau đơs chò la ală cau gơs gơnoar broă duh broă, neh dô rê hơ mìr sre tòm khai dê.

Nehemi 13:12

Gen jơh làng bol Juda cèng ơn kòi pơnah jơt, tơrnòm pa mơ mơñà tòm đam jàr.

Lik Ejiptơ 13:2

“Ơn tĕ Añ in kòp nă kòn klau tơnhoa hala kòp nơm phan poan jơng dam deh sơnròp. Kòp nă kòn sơnròp tòm làng bol Israel gơrê bal mơ Añ, bulah kòn mơnus hala phan poan jơng kung behơ̆ sơl.”

Lik Ejiptơ 13:12

gen bol mê pal ơn Yàng Jehôwa in kòp kòn tơnhoa lik bơh kơndul mè dê. Jơh ală phan poan jơng dam deh sơnròp gơrê bal mơ Yàng Jehôwa.

Khà Làng Bol 18:15

Kòn tơnhoa bol mê dê, bulah la kòn mơnus hala phan poan jơng dê, la phan neh ơn Yàng Jehôwa in gen gơrê bal mơ bol mê. Mơya mê pal tơwài wơl kòp nă kòn klau tơnhoa mơ kòp nơm phan poan jơng dam ò goh deh sơnròp.

Khà Làng Bol 18:18

Poac rơp gơrê bal mơ mê, kung be ntơh phan ơn duh khoai tơyài mơ bơnô đah ma gơrê bal mơ mê.