Nehemi 10:34 - Sră Goh 2018

³⁴ Bol hi kung tă khà digùl ală cau gơnoar ơn phan duh khoai, ală cau Lebi, mơ làng bol, bơh lòng sing nàng ơn phan duh khoai, nàng cèng gơtơmut tòm hìu Yàng Tom Trồ bol he dê, bơh ală hìu nhă jơi bơtiàn, jat tŭ tơngai neh lơh nền, kòp nam, nàng sing hơđang cơnòng duh khoai Yàng Jehôwa la Yàng Tom Trồ bol he dê, be neh cih tòm bơta boh lam.

Nehemi 10:34 Referans Kwoze

Nehemi 13:31

mơ añ kung rcang lòng nàng ơn phan duh khoai, jat tŭ tơngai neh lơh nền, mơ ơn ală plai đo bồ sơnam. Ơ Yàng Tom Trồ añ! Dan kah añ bơh bơta lơngai niam Kơnràñ dê!

Esai 40:16

Chi hơđang mơnơm Liban ò tơl sing ồs hơđang cơnòng duh khoai, ală phan poan jơng tềng hơ̆ kung ò tơl lơh gơs phan ơn chu duh khoai.

Jơnau Pơnđik 18:18

Bơta tă khà tơnroh tòm pơndang bal, Pơnring digùl ală cau gơs gơnoar pràn.

Nehemi 11:1

Ală kwang at bồ làng bol Israel dê ơm tòm Jerusalem; mơ làng bol gam wơl gen tĕ khà nàng sac rwah dô nă tòm kòp jơt nă bol khai nàng tus ơm tòm Jerusalem, la ƀòn sàng goh, tòm tŭ sin nă cau gam wơl gen ơm tòm ală ƀòn ndai.

I Yal Yau 24:7

Tă khà dơ̆ sơnròp di Jehôyarip, khà dơ̆ bàr di Jedaja,

I Yal Yau 24:5

Bol khai bơtào bol hơ̆ bơh bơta tă khà, bơh gơs ală cau kwang duh broă tòm tiah sàng goh mơ ală cau kwang duh broă Yàng Tom Trồ dê digùl bàr đah kòn sau Eleajar mơ Ithamar dê.

Jôsue 9:27

Tòm ngai hơ̆, Jôsue lơh di bol khai gơs cau koh lòng ơnòng dà mpồl jơnum in mơ cơnòng duh khoai Yàng Jehôwa in tòm tiah Kơnràñ rơp sac rwah; mơ bol khai lơh behơ̆ jơl tus di ngai do.

Broă 1:26

Gen bol khai tă khà, di di Mathia; khai geh mut bal tòm jơt dùl nă cau gơnoar bơto dờng.

Lebi 24:5

Ai tĕ kơmbuh phe rhền mơ jơt bàr nơm piang lă, ngui bàr pơnah jơt epha dê nàng lơh gơs dô nơm piang lă.

Lebi 24:6

Pràng gơtòm bàr sèng, kòp sèng prau nơm hơđang cơnòng mơ màh ngan di đap Yàng Jehôwa.

Khà Làng Bol 28:2

“Ai tĕ jơnau sồr do cau Israel in mơ đơs mơ bol khai lah: ‘Tòm tŭ bol mê cèng ơn Añ in phan sa lơh gơs phan ơn chu pơrguc gơs ƀô bơlhu niam nùs Añ.’

II Yal Yau 2:3

Salômôn pơyoa jơnau Hiram bơtau Tirơ in lah: “Kung be bơtau neh pơyoa Dabit bèp añ in chi nho rề bò, nàng bơt dô nơm gơlang khai in ơm.

Ejra 3:5

Tơnơ̆ mơ hơ̆, bol khai ơn ală phan ơn duh khoai chu pơrguc jat be òs, ală phan ơn duh khoai ngai wèr kơnhai dùl lik mơ ală phan ơn tòm jơh ală ngai wèr sàng goh neh lơh nền Yàng Jehôwa dê, bal mơ ală phan ơn duh khoai kòp nă cau jat nùs kòñ ơn Yàng Jehôwa in.