Nahum 3:19 - Sră Goh 2018

¹⁹ Ò gơs sơnơm lơi rgơi sơm tềl sồt mê dê, tềl sồt mê dê rơp lơh mê in chơt. Kòp nă cau lơi kơno jơnau yal bơh mê gen tàp tê khai dê bơh mê, bơh ñcau rgơi pleh klàs bơh bơta iơh bơsak ò git lồi mê dê taih?

Nahum 3:19 Referans Kwoze

Mice 1:9

Bơh tềl sồt khai dê ò rgơi sơmbòi; gơ rơp sa rề tus di Juda. Gơ neh tus di mpồng ƀòn dờng làng bol añ jê, tus hơ Jerusalem.

Ñìm Rac 2:15

Ală cau lòt gan gùng tàp tê di ai; bol khai hwac mơ rtơs bồ di kòn ùr Jerusalem, lah: “Ngan do la ƀòn dờng cau sơnđan lah bơta hàng mơnĕ wil tơl, bơta hòn chò jơh plai ù dê sơl ơ?”

Sră Jop 27:23

Gơ tap tê sền òsơp; Mơ hwac di bol khai bơh di tiah ơm gơ dê.”

Jeremi 46:11

Ơ ală ơruh òhềt bau, kòn ùr Ejiptơ dê! Guh tĕ hơ Galaat, mơ ai kơlhô; Bol ai ngui oă sơnơm kung ò kwơ, Ò geh sơmbòi bol ai in ò!

Esai 37:18

Khoai Yàng Jehôwa, ngan la ală cau bơtau Asiri neh tơnroh ală làng bol do mơ phà tơrlah ală lơgar bol khai dê,

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 17:2

Ală cau bơtau hơđang ù neh tìs glài rềs àr bơrnàn mơ khai, mơ ală cau ơm tòm plai ù neh bơñul mơ tơrnòm bơta rềs àr bơrnàn khai dê.”

Yal Tơlik 13:7

Gơ geh ai gơnoar tòmlơh mơ ală cau sàng goh mơ gơ geh pha lin rlau. Gơ kung geh ai gơnoar hơđang jơh ală jơi bơtiàn, làng bol, jơnau đơs mơ lơgar.

Ejekiel 25:6

Bơh Jehôwa Yàng Tom Trồ đơs be do: ‘Tài bơh bol mê neh tàp tê ntrơm jơng hòn chò mơ tơl jơh bơta iơh bơsak tòm nùs bol mê dê tòmdră mơ lơgar Israel,

Jeremi 10:22

Iat tĕ, dô sap đơs! Iat tĕ, gơ neh tus, gơs bơta nggồr nggàc dờng tus bơh đah đang, lơh ală ƀòn Juda dê gơlik gơs tiah lòi srau, gơlik gơs trồm so rhau ơm.

Jeremi 30:12

Yàng Jehôwa đơs be do: ‘Tềl sồt mê ò geh sơm, Sồt rmàñ mê kơnjơ̆ ngan.

Esai 37:11

Ngan, bơtau neh kơno ală bơta mơ ală cau bơtau Asiri neh lơh di jơh ală lơgar, tơnroh bol gơ jơh hir; ai bơtau gen rơp geh dong tă sơl ơ!

Jôna 1:2

“Lòt tĕ mo tus hơ ƀòn dờng Ninibe mơ bơto tòmdră mơ gơ, bơh bơta iơh bơsak gơ dê neh guh tus di đap Añ.”