Nahum 3:1 - Sră Goh 2018

¹ Bòl glar, ƀòn dờng lơh gơhòr mhàm in, jơh ală la bơta đơs blac, bềng bơta tòmpìt tòmhà, bơta ntung kơñau ò tŭ lơi lồi.

Nahum 3:1 Referans Kwoze

Habakuk 2:12

Bòl glar cau lơi in ai mhàm bơt ƀòn dờng, mơ ai bơta iơh bơsak bơt ƀòn dờng.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Nahum 2:12

Klìu triă neh crè tơl phan brê kòn gơ in sa, mơ tơnchơt phan kup geh klìu triă me in, gơ tơmbềng rgồng gơ mơ phan kup geh, tơmbềng trồm gơ mơ poac crè sa.

Esai 42:24

Ñcau neh jào Jakôp nàng gơkòl cau kup geh, mơ phi Israel nàng cau phà kơñau taih? Hơ̆ ò di la Yàng Jehôwa, la Bơtau mơ bol he neh tìs glài tòmdră mơ Kơnràñ ò ơ? Bơh bol khai ò bài lòt jat ală gùng dà Kơnràñ dê; bol khai ò dòn bơr lơh jat bơta boh lam Kơnràñ dê.

Esai 17:14

Tòm trồ mho, nisơna gơs bơta rngòt rngơt! Lài mơ tŭ rìng àng drim, bol khai neh ò gam tai! Hơ̆ la pơnah ală cau phà kơñau bol he, la pơnah lơh nền lòi ală cau tòmpìt sơmbrơt bol he.

Esai 24:9

Ò gam gơs cau ñô tơrnòm ndang đơs chò ndang tai; tơrnòm gơlik bơtang tòm bơr cau ñô gơ.

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Nahum 2:13

Yàng Jehôwa Gơnap Gơnoar Dờng Làm Jơh đơs lah: “Añ tòmdră mơ mê, Añ rơp chu pơrguc ală rơndeh mê tòm ñhŭ, mơ đào rơp sa loan ală klìu triă brồ dam; Añ rơp tơnroh phan kup geh bơh di ù, mơ sap đơs ală cau kong sồr mê dê rơp ò gam kơno tai.”