Nahum 1:6 - Sră Goh 2018

⁶ Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Nahum 1:6 Referans Kwoze

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Ejekiel 30:16

Añ rơp ai ồs chu Ejiptơ, Pelusium rơp kong jê sồt oă. Thebes rơp kong tơrlah tơrlơm. Thebes rơp kong tơnlề bơh càl rbut; Memphis rơp kong tòmdră mơ cau sò tơm tòm trồ ngai.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ñìm Rac 2:4

Kơnràñ wàr àtak be dô nă cau sò tơm; pò tê ma hơđang kung be cau sòdră. Kơnràñ tơnchơt jơh ală cau lơh bol hi in jòng să; Tòm sàl kòn ùr Siôn, Kơnràñ neh tuh bơta gơjrañ dờng Kơnràñ dê kung be ồs.

Esai 27:4

Añ ò gơjrañ; dilah gơ cèng Añ in tòm lò mrơt! Añ rơp lòt tòmlơh mơ bol gơ; Añ rơp chu pơrguc gơ.

Esai 10:16

Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Đơs Crih 90:11

Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

I Ală Bơtau 19:11

Yàng Tom Trồ đơs mơ khai lah: “Lik tĕ, ntào di jơng mơnơm di đap Yàng Jehôwa, bơh Yàng Jehôwa rơp lòt gan.” Tŭ do gơs dô ròs càl dờng khồm pràn ngan di đap Kơnràñ, crè ală mơnơm, mơ lơh bơcah ală pơnai lŭ gơlik rpot rpet; mơya Yàng Jehôwa ò ơm tòm càl. Tơnơ̆ mơ ròs càl gơs dô bơta gơlơnggơr ù, mơya Yàng Jehôwa ò ơm tòm ù lơnggơr;

Yal Tơlik 16:8

Cau gơnrơh dơ̆ poan tuh mơngàn khai dê hơđang mattơngai; gen mattơngai gơs gơnoar hur ală cau mơ ồs.

Yal Tơlik 16:1

Añ kơno dô jơnau dờng bơh di hìu duh khoai đơs mơ poh nă cau gơnrơh lah: “Lòt tĕ, tuh poh nơm mơngàn bơta gơjrañ dờng Yàng Tom Trồ dê tòm ù.”

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”

Sră Jop 40:11

Bơta pràn kơldang ò git nđò gơ dê ơm di but gơ, Gơnoar pràn ò git lơh gơ dê ơm tòm ală pet poac di kơndul gơ dê.

Đơs Crih 130:3

Ơ Yàng Jehôwa, dilah Kơnràñ prap kah sùm bơta tồi glài iơh bơsak, gen ơ Yàng! Ñcau rgơi ntào jai taih?

Esai 13:13

Behơ̆ tàng Añ rơp lơh ală tap trồ gơlơnggơr, ù tiah rơp gơlơnggơr mơ gơpơrdô bơh di tiah gơ dê bơta gơjrañ dờng Yàng Jehôwa Gơnap Gơnoar Dờng dê, tòm ngai Kơnràñ gơhào gơjrañ.

Esai 66:15

Do, Yàng Jehôwa rơp tus bal mơ ồs, mơ ală rơndeh tòmlơh Kơnràñ dê kung be càl wac brồng; Kơnràñ rơp đùh bơta gơjrañ Kơnràñ dê dô bă rngòt rngơt, mơ bơta lơh glài Kơnràñ dê bơh lơmpiat ồs hơng.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Ejekiel 7:8

Añ rơp tuh bơta gơjrañ dờng Añ jê hơđang mê, mơ ràng tơlik bơta gơhào gơjrañ Añ jê tòmdră mơ mê; Añ rơp cahrña mê jat bơta lơh lòt mê dê mơ tơm wơl mê in jat ală bơta iơh mơ mê neh lơh.

Ejekiel 21:31

Añ rơp tuh bơta gơjrañ dờng Añ jê hơđang bol mê mơ khồm ồs bơta gơjrañ Añ jê hơđang bol mê, Añ rơp jào phi bol mê tòm tê ală cau iơh rmơh ngan, jak chài tòm bơta tơnroh.

Ejekiel 39:6

‘Añ rơp tơndùh ồs hơđang Magok, mơ hơđang ală cau ơm lơngap lơngai di gah dàlềng; mơ bol khai rơp git Añ la Yàng Jehôwa.

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Sră Jop 9:5

Kơnràñ cèng pơrdô ală mơnơm mơ bol gơ ò git, tuh tơlup bol gơtòm bơta gơhào gơjrañ Kơnràñ dê.

Sră Jop 26:11

Ală jrong ală tap trồ dê gơlơnggơr. Mơ mơp dơl bơh jơnau lah pơrhơng Kơnràñ dê.

Đơs Crih 76:8

Bơh đang trồ Yàng tơlik jơnau cahrña; Plai ù rngòt rngơt mơ ơm mŏ mŏ.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Ñìm Rac 2:3

Tòm bơta gơhào gơjrañ dờng, Kơnràñ koh tơmù jơh ală gơnoar pràn Israel dê. Kơnràñ neh tă tê ma Kơnràñ dê bơh di bol khai di đap mat cau sò tơm. Kơnràñ neh chu ồs sa hơng digùl Jakôp, pơrguc jơh ală bơta gùt dar.