Nahum 1:14 - Sră Goh 2018

¹⁴ Yàng Jehôwa neh ai dô jơnau sồr tus hơ mê; “Sơnđan mê dê rơp ò gam sùm sùm. Añ rơp tơnroh ală rùp pac sềr mơ ală rùp tŏ bơh di hìu ală yàng mê dê. Añ rơp lơh bơtô ƀồc mê in bơh mê la ò di pal.”

Nahum 1:14 Referans Kwoze

Đơs Crih 109:13

Lòi jơi bơtiàn khai dê kòl tơnroh, Mơ sơnđan khai dê kòl jùt roh tòm rài tơnơ̆!

Mice 5:13

Añ rơp tơnroh ală rùp ràk pac sềr bol mê dê, bal mơ ală jrong duh khoai bơh digùl bol mê dê, mơ bol mê rơp ò tai kun duh khoai ală broă bơh tê bol mê dê.

Jơnau Pơnđik 10:7

Kirsơnre cau song ring geh jòng ro; Mơya sơnđan cau iơh bơsak roh thit mo.

II Ală Bơtau 19:37

Dô ngai ne, khai duh khoai tòm bơmồng Nisrok, yàng khai dê, gen bàr nă kòn klau khai dê la Adrammelek mơ Sarejer tơnchơt khai mơ đào; gen bol khai dô tòm lơgar Ararat. Esarhatdôn, kòn klau ndai khai dê, pơrdòn sơbàn khai dê.

Daniel 11:21

Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Esai 33:13

Bol mê la cau ơm ngài, iat tĕ broă Añ neh lơh; bol mê la cau ơm rềp, đal git tĕ gơnap gơnoar Añ jê.”

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Đơs Crih 71:3

Dan să tòm Kơnràñ lơh gơs dô nơm lŭ klềr nàng lơh añ in kìng crŭ, Lơh gơs dô nơm theng kơ̆ cê nàng dong klàs añ, Bơh Kơnràñ la lŭ klềr mơ la theng kơ̆ cê añ jê.

II Yal Yau 32:21

Mơ Yàng Jehôwa sồr dô nă cau gơnrơh tơnroh jơh ală cau ling bal mơ ală cau at bồ mơ cau kwang duh broă bơtau tòm tiah sàl bơtau Asiri dê. Behơ̆ khai ruc wơl mơ rê hơ lơgar khai dê tòm bơta ƀàssìl ƀàsso. Mơ tòm tŭ khai mut tòm hìu duh khoai yàng khai dê, dô nă tòm ală kòn klau khai dê ai đào sreh tơnchơt khai.

I Samuel 3:13

Bơh Añ neh đơs mơ khai lah Añ rơp lơh glài hìu nhă khai dê sùm sùm, tài bơh tồi glài mơ khai neh git; tài bơh ală kòn klau khai dê neh lơh ală bơta tràl sơrbil di Yàng Tom Trồ, mơ khai ò kơryan bol khai.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Sră Jop 18:17

Bơta kirsơnre bol khai roh bơh di ù, Sơnđan khai ò gam tai tòm gùng ƀòn.

Mice 5:14

Añ rơp dus sang ală jrong Asera bơh digùl bol mê, mơ tơnroh ală ƀòn dờng bol mê dê.

Habakuk 2:10

Mê neh bơyai rơndap bơta ƀàssìl hìu mê dê, bơh mê tơnroh oă làng bol; mơ neh tơnroh bơta kis mê dê.

Daniel 5:27

Tekel la kơr, bơtau neh kòl kơr hơđang phan kơr, mơ gŏ la siơ̆u ò tơl.